ខេត្តកំពង់ឆ្នាំង ៖ កងកម្លាំងរបស់បញ្ជាការដ្ឋានសឹករងខេត្តកំពង់ឆ្នាំង ដឹកនាំដោយលោក ឧត្តមសេនីយ៍ទោ ធន ធឿន មេបញ្ជាការ តំបន់ប្រតិបត្តិការសឹករង កាលពីរសៀលថ្ងៃទី៦…
ខេត្តកំពង់ឆ្នាំង ៖ កងកម្លាំងរបស់បញ្ជាការដ្ឋានសឹករងខេត្តកំពង់ឆ្នាំង ដឹកនាំដោយលោក ឧត្តមសេនីយ៍ទោ ធន ធឿន មេបញ្ជាការ តំបន់ប្រតិបត្តិការសឹករង កាលពីរសៀលថ្ងៃទី៦ ខែមករា ឆ្នាំ២០១៩ បាននាំយកម៉ាស៊ីនបូមទឹក របស់សម្តេចតេជោហ៊ុនសែន យកទៅជួយបូមទឹកសង្គ្រោះស្រូវរបស់ប្រជាពលរដ្ឋដែលកំពុងជួបការលំបាកខ្វះខាតទឹក នៅចំណុចដាអំបិល, បឹងស្ទុះ, និងចំណុចជុំវិញភ្នំមាន់ ស្ថិតក្នុងឃុំព្រៃគ្រី ស្រុកជល់គីរី ខេត្តកំពង់ឆ្នាំងមានចំនួនប្រមាណជាង១ពាន់៥រយហិកតា ។
ក្នុងឱកាសនោះដែរ លោកឧត្តមសេនីយ៍ទោ ធន ធឿន មេបញ្ជាការ តំបន់ប្រតិបត្តិការសឹករង កំពង់ឆ្នាំង បានមានប្រសាសន៍ថា កងកម្លាំងរបស់គ្រប់អង្គភាពនៃផ្នែកសឹងរងទាំងអស់ ត្រូវប្រឹងប្រែងអោយអស់ពីសមត្ថភាព ដើម្បីជួយសង្គ្រោះស្រូវប្រាំង របស់ប្រជាពលរដ្ឋដែលកំពុងតែខ្វះខាតទឹក ព្រោះស្រូវគឺជាអាយុជីវិតរបស់បងប្អូនប្រជាពលរដ្ឋ ។ ត្រូវចាំថាកងទ័ពជាកូនចៅរបស់ប្រជាពលរដ្ឋ ដូចនេះទីណា មានប្រជាពលរដ្ឋជួបការលំបាកទីនោះ ត្រូវតែមានកងទ័ពចុះជួយអោយដល់មូលដ្ឋាន ។
មេបញ្ជាការតំបន់ប្រតិបត្តការសឹករង កំពង់ឆ្នាំង លោកឧត្តមសេនីយ៍ទោ ធនធឿន បានធ្វើការផ្តាំផ្ញើរដល់គ្រប់បណ្តាអង្គភាពផ្នែកសឹករងទាំងអស់ត្រូវតាមដាន និង រាយការណ៍ជាប្រចាំ ដើម្បីងាយស្រួលចុះជួយអន្តរាគមន៍ដល់ប្រជាពលរដ្ឋបានទាន់ពេលវេលា ។
ជាមួយគ្នានេះ មេបញ្ជាការតំបន់ប្រតិបត្តការសឹករង កំពង់ឆ្នាំងបានជួយឧបត្ថមប្រេងម៉ាស៊ីនចំនួន១ពាន់លីត្រ និងថវិកាចំនួន២លាន ៣០រៀលសម្រាប់ជីកប្រឡាយយកទឹកពីទន្លេដើម្បីយកមកជួយសង្គ្រោះស្រូវនៅក្នុងតំបន់ខាងលើ ដែលជួបប្រទះការខ្វះខាតទឹកផងដែរ។
ជាមួយគ្នានេះ អាជ្ញាធរ ភូមិ ឃុំ និងស្រុក រួមទាំងប្រជាពលរដ្ឋក្នុងស្រុកជលគីរី ដែលមានដីស្រែកំពុងខ្វះខាតទឹក ក៍បានថ្លៃងអំណរគុណ ដល់កងកម្លាំង តំបន់ប្រតិបត្តិការសឹងរងកំពង់ឆ្នាំង ក៏ដូចជាប្រមុខរាជរដ្ឋាភិបាល ដែលតែងតែគិតគូរសុខទុក្ខលំបាករបស់ប្រជាពលរដ្ឋ ពិសេស ពេលនេះស្រូវជា១ពាន់៥រយហិកតា ដែលកំពុងនឹងប្រឈមបញ្ហាក្រៀមស្វិត បើគ្មានការជួយសង្គ្រោះទាន់ពេលទេនោះ៕ (កែសម្រួលដោយ ៖ ធីតា)
ចែករំលែកព័តមាននេះ