ប្រទេសលីប៊ី់ ៖ កងកម្លាំងរបស់សេនាប្រមុខខាលីហ្វាហាហ្វតា បុរសខ្លាំងភាគខាងកើតលីប៊ី កាលពីថ្ងៃទី៦មករាវាយដណ្ដើមយកបានទីក្រុងSYRTE ដែលនោះជាអន្លូងធ្ងន់មួយសម្រាប់គូប្រជែង ក្នុងកាលៈទេសៈដែលមានភាពតានតឹង ក្រោយការប្រកាសរបស់តួកគីបញ្ជួនកងទ័ពខ្លួនមកលីប៊ី។
ការបាត់បង់ទីក្រុងSYRTEជាការវាយបកធ្ងន់ធ្ងរមួយសម្រាប់រដ្ឋាភិបាលរួបរួមជាតិលីប៊ីទទួលស្គាល់ដោយអ.ស.ប។ កងកម្លាំងរដ្ឋាភិបាលនេះបានត្រួតត្រាទីក្រុងនោះចាប់តាំងពីឆ្នាំ២០១៦មក ក្រោយវាយបណ្ដេញក្រុមរដ្ឋអ៊ីស្លាមចេញពីទីនោះ បន្ទាប់ពីការប្រយុទ្ធគ្នាជាច្រើនខែមក។
ក្នុងសន្និសីទសារព័ត៌មានមួយ នៅទីក្រុងបេនហ្គាលី លោកអាហ៍ម៉េដអាល់មេស្មារីអ្នកនាំពាក្យរបស់កងកម្លាំងសេនាប្រមុខហាហ្វតាប្រកាសថា ទីក្រុងជាប់ឆ្នេរសមុទ្រនោះស្ថិតនៅចម្ងាយ៤៥០គីឡូម៉ែត្រពីរដ្ឋធានីលីប៊ីត្រូវបានរំដោះទាំងស្រុង។ ការវាយដណ្ដើមយកទីក្រុងនេះកងកម្លាំងលោកហាហ្វតាប្រើពេលតែ៣ម៉ោងប៉ុណ្ណោះ។ បេសកជនអ.ស.បសម្រាប់លីប៊ីបានថោ្កលទោសការជ្រៀតជ្រែករបស់បរទេស។
យោងតាមកកងម្លាំងលោកហាហ្វតាថា យុទ្ធជនច្រើននាក់របស់កងកម្លាំងរដ្ឋាភិបាលរួបរួមជាតិ ត្រូវចាប់ជាឈ្លើយសឹកហើយបណ្ដាអាវុធពួកគេត្រួវរឹបអូស ខណៈអ្នកដទៃៗទៀតរត់គេចខ្លួន៕ (កែសម្រួលដោយ ៖ បុប្ផា)
ចែករំលែកព័តមាននេះ