ADផ្ទាំងផ្សព្វផ្សាយពាណិជ្ជកម្ម

បើបានទៅលេងរមណីយដ្ឋានអូរឫស្សីកណ្តាលនឹងទទួលអារម្មណ៍ប្លែក (មានវីដេអូ)

4 ឆ្នាំ មុន

ស្ទឹងត្រែង
០៧ ខែ មករា ឆ្នាំ ២០២០ ម៉ោង ១៦:២៥

ខេត្តស្ទឹងត្រែង ៖ រមណីយដ្ឋានទេស ចរណ៍អូរឫស្សីកណ្តាលគឺជាតំបន់ទេសចរណ៍មួយក្នុងចំណោមតំបន់ទេសចរណ៍ជាច្រើនទៀតក្នុងខេត្តដែលមានសក្តានុពលពិសេសខុសពីគេ។ តំបន់នោះកើតឡើងដោយធម្មជាតិបូករួមការកែច្នៃបន្ថែម តំបន់រមណីដ្ឋានអូរឫស្សីកណ្តាលនេះមានភាពទាក់ទាញយ៉ាងខ្លាំងនៅពេលដែលភ្ញៀវទេសចរចូលទៅដល់ហាក់ទទួលបានអារម្មណ៍ប្លែក ដោយសារជ្រលងដងអូរក្នុងព្រៃពោពេញដោយម្លប់ ដើមឈើ ខ្សែទឹកហូរថ្លាដូចកញ្ចក់។ លោក…

ខេត្តស្ទឹងត្រែង ៖ រមណីយដ្ឋានទេស ចរណ៍អូរឫស្សីកណ្តាលគឺជាតំបន់ទេសចរណ៍មួយក្នុងចំណោមតំបន់ទេសចរណ៍ជាច្រើនទៀតក្នុងខេត្តដែលមានសក្តានុពលពិសេសខុសពីគេ។

តំបន់នោះកើតឡើងដោយធម្មជាតិបូករួមការកែច្នៃបន្ថែម តំបន់រមណីដ្ឋានអូរឫស្សីកណ្តាលនេះមានភាពទាក់ទាញយ៉ាងខ្លាំងនៅពេលដែលភ្ញៀវទេសចរចូលទៅដល់ហាក់ទទួលបានអារម្មណ៍ប្លែក ដោយសារជ្រលងដងអូរក្នុងព្រៃពោពេញដោយម្លប់ ដើមឈើ ខ្សែទឹកហូរថ្លាដូចកញ្ចក់។

លោក មាន សុខគឿន អនុប្រ ធានមន្ទីរទេសចរណ៍ខេត្តស្ទឹងត្រែ ងអោយដឹងថា តំបន់រមណីយដ្ឋានអូរស្សីកណ្តាល ស្ថិតនៅតាមបណ្តោយផ្លូវជាតិលេខ៧ មានចំងាយ២៨គីឡូម៉ែត្រពីទីរួមខេត្ត ។

លោកអនុប្រធានមន្ទីរទេសចរខេត្តបញ្ជាក់ថា សេវានៅទីនោះ គឺគេគិតទៅលើរថយន្តធុនតូចចំណាយ ត្រឹម៥.០០០រៀល ចំណែករថយន្តធុនធំគឺចំណាយត្រឹម៧០០០រៀល រីឯមនុស្សមិនគិតប្រាក់ឡើយ ។ ដោយ ឡែកសម្រាប់សេវាតម្លៃម្ហូបអាហារនៅទីនោះ គេមានបិទតារាងតម្លៃទៅតាមមុខទំនិញ និងមុខម្ហូបដែលភ្ញៀវអាចជ្រើសរើសបានតាមតម្រូវការ។

ស្ត្រីជាភ្ញៀវទេសចរម្នាក់ឈ្មោះសុខ ដានី មកពីខេត្តសៀមរាប បានរៀបរាប់ថា រាល់កម្មវិធីបុណ្យធំៗក្រុមគ្រួសាររបស់គាត់មិនដែលរំលងរមណីយដ្ឋាននេះឡើយ ដោយសាររមណីដ្ឋាននេះ មានផាសុកភាពទាំងខ្យល់អាកាស សម្រស់ធម្មជាតិទឹកថ្លាត្រជាក់អាចលេងបានទាំងចាស់និងក្មេង រីឯសេវាសមរម្យ បរិស្ថានល្អ និងសន្តិសុខផងដែរ ហើយពីមួយឆ្នាំទៅមួយឆ្នាំ រមណីដ្ឋានមួយនេះកាន់តែស្រស់ស្អាតទៅផងដែរ។

លោក ឈុន សម្បត្តិ ជាភ្ញៀវ មកពីក្រុងស្ទឹងត្រែងក៏បានលើកឡើងផងដែរថា កាលពីមុនទីកន្លែងនេះ មិនមានអ្វីត្រឹមទឹកហូរក្រោមដើមឈើត្រឈឹងត្រឈៃនោះទេ តែបច្ចុប្បន្ន ទីកន្លែងនេះបានប្រែក្លាយទៅជារមណីដ្ឋានមានទាំងស្ពានឫស្សីឆ្លងកាត់ខ្វាត់ខ្វែង មានរោងអង្គុយលេង មានកន្លែងក្រាលកន្ទេល មានកន្លែងសម្រាប់បត់ជើង និងមានកន្លែងចតរថយន្តទៀតផង៕ (កែសម្រួលដោយ ៖ ធីតា)