បញ្ហាទូទៅដែលអាជីវករភាគច្រើនតែងជួបប្រទះរួមមាន ការអត់ងងុយ ការងប់ងល់នឹងការងារ និងការរិះគន់ខ្លួនម្តងហើយម្តងទៀតជាដើម ។ ភាពជោគជ័យមិនមែនតែងតែងាយសម្រេចបានទេ ប៉ុន្តែមនុស្សម្នាក់ៗមានឱកាសក្នុងការសម្រេចវាប្រសិនបើពួកគេពិតជាចង់បានវា និងដឹងពីអ្វីដែលខ្លួនត្រូវធ្វើនិងលះបង់ដើម្បីសម្រេចបានវា ។ ខាងក្រោមនេះគឺជាមូលហេតុមួយចំនួនដែលធ្វើឲ្យអាជីវករភាគច្រើនបរាជ័យ និងវិធីចៀសវាង៖
១. ពួកគេមិនមើលថែសុខភាពខ្លួនឯងឲ្យបានល្អ៖ ភាពជោគជ័យតម្រូវឲ្យមនុស្សប្រើកម្លាំងកាយ និងស្មារតីជាច្រើន ដូច្នេះអាជីវករដែលជោគជ័យជាអាជីវករដែលមាំមួននិងមានសុខភាពល្អ ។ មនុស្សត្រូវតែធ្វើចលនាឲ្យបាន ៣០នាទីក្នុងមួយថ្ងៃ ទទួលទានអាហារដែលមានជីវជាតិ ទទួលទានទឹកឲ្យបានគ្រប់គ្រាន់ និងចូលដំណេកឲ្យបានទៀងទាត់ ។ ជាមួយគ្នានេះដែរ អ្នកត្រូវរៀនចេះមើលថែសុខភាពផ្លូវចិត្តរបស់អ្នកដោយចំណាយពេលលើសកម្មភាព និងមនុស្សដែលជំរុញកម្លាំងចិត្តអ្នក ។
២. ពួកគេងាយចុះចាញនឹងការភ័យខ្លាច៖ ការព្រួយបារម្ភច្រើន ការភ័យខ្លាច និងអារម្មណ៍ស្ត្រេសប្រៀបបានជារឿងទូទៅក្នុងជីវិតរបស់អាជីវករ ។ ហើយមានតែអ្នកដែលអាចឆ្លងកាត់អារម្មណ៍ទាំងនេះទេទើបអាចជោគជ័យបាន ។ ដើម្បីឆ្លងកាត់ឧបសគ្គនេះ អ្នកគួរតែរៀនគិតថាអ្នកអាចសម្រេចបានអ្វីទាំងអស់ និងឈប់គិតច្រើនពីអ្វីដែលអ្នកមិនបានធ្វើនៅអតីតកាល ។
៣. ពួកគេមិនសម្រេចចិត្តឲ្យច្បាស់លាស់ថាពួកគេចង់ជោគជ័យ ឬទេ៖ ភាពជោគជ័យតម្រូវឲ្យមនុស្សម្នាក់ទទួលស្គាល់ថាពួកគេត្រូវបានចាប់កំណើតមកដើម្បីសម្រេចអ្វីធំៗក្នុងជីវិត ។ បើអ្នកសួរខ្លួនឯងថាតើអ្នកជឿលើក្តីសុបិនអ្នកឬទេ ហើយបើចម្លើយអ្នកគឺជឿនោះ មានន័យថាអ្នកបានសម្រេចចិត្តថាអ្នកនឹងធ្វើឲ្យវាក្លាយជាការពិតហើយ ៕
ចែករំលែកព័តមាននេះ