តាមប្រភពព័ត៌មាន Soccer Laduma បានឱ្យដឹងថា ស្របពេលដែលទីផ្សារដោះដូរកីឡាករខែមករាបានបើកជាផ្លូវការ មានកីឡាករចំនួន ៥នាក់ត្រូវបានផ្សារភ្ជាប់យ៉ាងខ្លាំងជាមួយនឹងការផ្លាស់ទៅលេងនៅ Chelsea ខណៈដែលមានកីឡាករ ៣នាក់ដែលអាចចាកចេញពីក្លិប នៅប៉ុន្មានសប្តាហ៍ខាងមុខនេះ។
ទោះបីឈរនៅលំដាប់ទី៤ នៃតារាង Premier League ក៏ដោយ ក៏វាមានភាពស្មុគស្មាញនៅពាក់កណ្តាលរដូវកាលដំបូងសម្រាប់លោក Frank Lampard និងក្រុមរបស់គាត់ ហើយជាពិសេសនៅក្នុងប៉ុន្មានសប្តាហ៍ថ្មីៗនេះ។
ក្រុមតោខៀវបានចាញ់ ៥ដង ក្នុងការប្រកួតលីក ៩លើកចុងក្រោយរបស់ពួកគេ ដោយឈ្នះតែ ៣ប្រកួតប៉ុណ្ណោះ ដែលធ្វើឱ្យមនុស្សជាច្រើនជឿថា ចៅហ្វាយដែលគ្មានបទពិសោធន៍រូបនេះ អាចនឹងរកវិធីដោះស្រាយលើបញ្ហានេះបាន។
របាយការណ៍របស់ Footmercato បានឱ្យដឹងថា Chelsea មានទំនាក់ទំនងជាមួយនឹងកីឡាករ Moussa Dembele, Wilfried Zaha, Nathan Ake និង Jadon Sancho ដែលអាចនឹងទិញយកនៅរដូវកាលនេះ។
ដោយសារតែកីឡាករ Olivier Giroud អាចនឹងចាកចេញ លោក Lampard គិតថា Dembele អាចយកមកជួយ Tammy Abraham នៅលើតារាងបាន។ ជាមួយគ្នានេះដែរ David Alaba កីឡាកររបស់ Bayern Munich ក៏ជាគោលដៅមួយយ៉ាងសំខាន់ដែរ ក្រោយពី Emerson Palmieri ទំនងនឹងចេញពីក្លិប៕
កែសម្រួលដោយ ៖ សំណាង
ចែករំលែកព័តមាននេះ