ការមិនត្រេកអរក្នុងបាបបានដល់ចិត្តដែលមិនត្រេកអរនៅពេលដឹងឮ ឬឃើញគេធ្វើអំពើអាក្រក់អំពើបាបទាំង ឡាយ មានការប្រព្រឹត្តខុសក្នុងកាម ការកុហកកេងប្រវ័ញ្ច ឆបោក និងធ្វើអំពើទាំងឡាយជាអបាយមុខ ឬមានការកាប់សម្លាប់ជីវិត ធ្វើទុក្ខបុកម្នេញ បៀតបៀតសេចក្តីសុខដល់គ្នានិងគ្នាជាដើម ថែមទាំងកើតក្តីសង្វេគតក់ស្លុត ចំពោះអំពើទាំងនោះទៀតផង ។
ចំណែកការវៀរចាកបាបបានដល់ការចៀសវាងមិនប្រព្រឹត្តធ្វើនូវអំពើបាបទាំងឡាយដូចដែលបានពោលមកខាងលើហើយជាដើម ព្រោះជឿជាក់ថា ធ្វើល្អពិតជាបានល្អ ធ្វើអាក្រក់ពិតជាបានអាក្រក់ ធ្វើកម្មបែបណានឹងត្រូវទទួលផលបែបនោះមិនឃ្វាងឡើយ ។
កិរិយាមិនត្រេកអរក្នុងបាបនិងកិរិយាវៀរចាកបាបដូចពោលមកនេះ ឈ្មោះថាជាអ្នកមានសេចក្តីក្សាន្តចាកទុក្ខទាំងពួង ។ ដោយសាន សារិន
ចែករំលែកព័តមាននេះ