គ្រូពេទ្យមិនដឹងច្បាស់ថាតើអ្វីដែលបង្កើតឲ្យមានករណីភាគច្រើនបំផុតនៃជំងឺមហារីកឈាមលើកុមារនោះទេ។ ប៉ុន្តែកត្តាមួយចំនួនអាចបង្កើនឱកាសនៃការមានជំងឺនេះ។
សូមចងចាំថា ការមានកត្តាហានិភ័យមិនមែនតែងតែមានន័យថា កុមារនឹងមានជំងឺមហារីកឈាមនោះទេ។ ជាការពិត កុមារភាគច្រើនដែលមានជំងឺមហារីកឈាមមិនមានកត្តាហានិភ័យ ដែលត្រូវបានគេដឹងនោះទេ។
យ៉ាងណាមិញ ហានិភ័យនៃជំងឺមហារីកឈាមលើកុមារកើនឡើង ប្រសិនបើកុមារមាន ៖
១– ជំងឺតំណរពូជដូចជា ជំងឺ Li-Fraumeni, ជំងឺ Down ឬ ជំងឺ Klinefelter
២ – ជំងឺនៃប្រព័ន្ធភាពស៊ាំ
៣ – បងប្អូនប្រុស ឬបងប្អូនស្រីមានជំងឺមហារីកឈាម ជាពិសេសកូនភ្លោះ
៤ – ប្រវតិ្តត្រូវបានប៉ះពាល់ទៅនឹងកម្រិតខ្ពស់នៃកាំរស្មីវិទ្យុសកម្ម និងការព្យាបាលដោយសារធាតុគីមីជាដើម
៥ – ប្រវត្តិមានការថយចុះប្រព័ន្ធភាពស៊ាំ ដូចជាការប្តូរសរីរៈក្នុងខ្លួនជាដើម។
ទោះបីជាហានិភ័យគឺទាប ប៉ុន្តែគ្រូពេទ្យផ្តល់ដំបូន្មានា កុមារដែលមានកត្តាហានិភ័យដែលត្រូវបានដឹង ត្រូវពិនិត្យសុខភាពជាទៀងទាត់ (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ