ធម្មចរិយាគឺការប្រព្រឹត្តធម៌ដ៏ប្រសើរ ដែលជាចន្ទល់ដ៏រឹងមាំនាំដំណើរជីវិតឱ្យប្រព្រឹត្តទៅក្នុងផ្លូវសុខក្នុងលោកនេះផង និងលោកខាងមុខផង និងជាអ្នករាំងខ្ទប់ផ្លូវអបាយបានល្អហើយ ។
ធម្មចរិយាក្នុងទីនេះបានដល់ធម៌១០យ៉ាងគឺ កិរិយាមិនសម្លាប់១ កិរិយាមិនលួចប្លន់១ កិរិយាមិនប្រព្រឹត្តល្មើ សក្នុងកាមតណ្ហា១ កិរិយាមិនកុហកឆបោកកេងប្រវ័ញ្ច១ កិរិយាមិនពោលពាក្យញុះញង់ អុជអាល បំ បែកបំបាក់១ កិរិយាមិនពោលពាក្យអាក្រក់អសុរោះ១ កិរិយាមិនពោលពាក្យរោយរាយឥតប្រយោជន៍១ កិរិ យាមិនលោភលន់លើទ្រព្យអ្នកដទៃ១ កិរិយាមិនគុំកួនព្យាបាទអ្នកដទៃ១ និងកិរិយាយល់ត្រឹមត្រូវ គឺយល់ថាធ្វើល្អបានល្អ ធ្វើអាក្រក់បានអាក្រក់ និងយល់តាមសភាវៈពិតនៃធម្មជាតិ និងលោកិយ១ ។
ការពិចារណាឱ្យបានជាក់ច្បាស់ក្នុងធម្មចរិយា ហើយប្រព្រឹត្តឱ្យបានត្រឹមត្រូវតាមសមគួរដល់ធម៌ទាំង១០ប្រការនេះ ឈ្មោះថាជាអ្នកបានបិទផ្លូវអបាយភូមិជិតល្អហើយ ។ ដោយសាន សារិន
ចែករំលែកព័តមាននេះ