រាជធានីភ្នំពេញ ៖ អ្នកនាង ប៉ែន សុផានី ដែលទស្សនិកជនជាច្រើនដឹងថា បានក្លាយជានារីមេម៉ាយអស់មិនតិចឆ្នាំនោះទេ ដោយមិនខ្វះឡើយអ្នកតាមចែចង់ប្រលោមស្នេហ៍ តែអ្នកនាងមិនរវល់។ នៅទីបំផុតអ្នកនាងបានសម្រេចគោលដៅឈានដល់ការរកឃើញគូជាថ្មីរហូតអ្នកនាងហ៊ានទទួលយកជាគូជីវិតពេញមួយជីវិត។…
រាជធានីភ្នំពេញ ៖ អ្នកនាង ប៉ែន សុផានី ដែលទស្សនិកជនជាច្រើនដឹងថា បានក្លាយជានារីមេម៉ាយអស់មិនតិចឆ្នាំនោះទេ ដោយមិនខ្វះឡើយអ្នកតាមចែចង់ប្រលោមស្នេហ៍ តែអ្នកនាងមិនរវល់។ នៅទីបំផុតអ្នកនាងបានសម្រេចគោលដៅឈានដល់ការរកឃើញគូជាថ្មីរហូតអ្នកនាងហ៊ានទទួលយកជាគូជីវិតពេញមួយជីវិត។
ប៉ុន្តែអ្វីដែលធ្វើឱ្យគេភ្ញាក់ផ្អើលនោះ គឺអ្នកនាងថែមទាំងសម្រេចចិត្តចុះអេតាស៊ីវិលជាផ្លូវការហើយ។ គ្រប់គ្នាមានការភ្ញាក់ផ្អើលនៅពេលដឹងថា អ្នកនាងប៉ែន សុផានី ទទួលបានផផ្លែផ្កាល្អក្នុងជីវិត ក្រោយពេលសុខចិត្តរស់នៅជានារីមេម៉ាយអស់ជាច្រើនឆ្នាំ ហើយម្នាក់ៗក៏បានអបអរអ្នកនាងតែម្តង។
ចំណែកបុរសជាស្វាមីរបស់អ្នកនាង ពិតជាមានគុណសម្បត្តិល្អ ធ្វើឱ្យតារាល្បីល្បាញក្នុងពិភពសិល្បៈសុខចិត្តបើកបេះដូងទទួលយក។ លើសពីនេះ អ្នកនាងបានរៀបំគម្រោងផែនការជាច្រើនជាមួយស្វាមី ក្រោយពេលចាប់ដៃគ្នាជាគូស្វាមីភរិយានាវ័យចំណាស់។
ឆ្លងឆ្លើយជាមួយអ្នកសារព័ត៌មានយើងក្នុងពិធីឡើងគេហដ្ឋានថ្មីនាបុរីពិភពថ្មី២ ចំការដូង អ្នកនាងប៉ែន សុផានី បានឱ្យដឹងថា រយៈពេលជិត២ឆ្នាំមកហើ យដែលអ្នកនាងបានរកឃើញស្នេហាថ្មី បន្ទាប់ពីបានរស់នៅជាស្ត្រីមេម៉ាយក្បែរ២០ឆ្នាំ។ ស្វាមីរបស់អ្នកនាងឈ្មោះ ជាប់ ជួន វ័យច្រើនទៅហើយ ជាពោះម៉ាយកូន២ បម្រើការងារផ្នែកប៉ូលិស។ ហើយស្វាមីគាត់បានលែងលះត្រឹមត្រូវភរិយាដើម ទើបអ្នកនាងអាចចុះអេតាស៊ីវិលបានគ្នាជាប្តីប្រពន្ធស្របច្បាប់។
អ្នកនាង ប៉ែន សុផានី ដែលបានឡើងគេហដ្ឋានម្តង២ ក្នុងពេលតែមួយ ដោយចំណាយទុនក្បែរ៣០ម៉ឺនដុល្លារ បានឱ្យដឹងទៀតថា «ខ្ញុំមានស្វាមីហើយ មួយភាគនៃចំណែកការងារជាច្រើនក្នុងសិល្បៈ ត្រូវបានកាត់បន្ថយ ងាកមកបម្រើងារជាស្ត្រីមេផ្ទះ មើលមុខរបរថ្មី មើលចៅវិញម្តង»។
បើទោះជាពេលនះ អ្នកនាង មានងារឋានៈជាលោកស្រីជំទាវមែន តែអ្នកនាងនៅតែសាមញ្ញ មិនតម្កើងចរិកលក្ខណៈអ្វីនោះទេ ។ អ្នកនាងទិញផ្ទះថ្មីនេះ ដើម្បីទុករកស៊ី បើកម៉ាតល្មមមួយ នៅខាងលើគ្រោងបើកសាលាបណ្តុះបណ្តាលជំនាញសិល្បៈដល់តារាថ្មីៗ ឬក្មេងៗជំនាន់ក្រោយ ដោយសារមិនចង់ចោលវិជ្ជាដែលល្អ មានតែបណ្តុះថ្នាលក្រោយៗបន្តវេន។
អ្នកនាងសម្រេចកាត់បន្ថយសិល្បៈឱ្យច្រើ នដើម្បីងាកខ្លួនមកជាស្ត្រីមេផ្ទះ មិនអាចដើរចោលប្តីឆ្ងាយៗទេ ព្រោះត្រូវធ្វើម្ហូបដាំបាយ ពេលប្តីមកពីធ្វើការ។ យ៉ាងណាមិញ សិល្បៈមិនបិទទាំងស្រុងនោះទេ នៅតែបម្រើបងប្អូន ប្រសិនបើមានការគាំទ្រ ព្រោះជំនាញនេះស្រឡាញ់ តស៊ូណាស់ រាប់តាំងពីក្មេងវ័យ រហូតវ័យចាស់ មានអនុស្សាវរីយ៍ច្រើនដិតដាម។
ម្យ៉ាងទៀតខាងគ្រួសារ ក៏មិនបានចេញបំរាមបិទផ្លូវមិនឱ្យចូលសិល្បៈឡើយ ប៉ុន្តែយើងវិញទេ ដែលត្រូវយល់ចិត្តស្វាមី មិនអាចចេះតែដើរចោល ភ្លេចខ្លួនជានារីមេផ្ទះនោះទេ ។ (កែសម្រួលដោយ ៖ បុប្ផា)
ចែករំលែកព័តមាននេះ