រាជធានីភ្នំពេញ៖ សមាជិកព្រឹទ្ធសភាមួយរូបបានស្នើដល់រាជរដ្ឋាភិបាលក្នុងការសិក្សាស្រាវ ជ្រាវបង្កើតកន្លែងអភិរក្ស ដើម្បីធ្វើជាកន្លែងទស្សនាត្រីសមុទ្រ សត្វសមុទ្រដែលរស់នៅក្នុង សមុទ្រ នៅតាមតំបន់ឆ្នេរ ។ នៅក្នុងសម័យប្រជុំពេញអង្គព្រឹទ្ធសភាកាលពីព្រឹកថ្ងៃទី ៣ខែមករា ឆ្នាំ ២០២០សមាជិក ព្រឹទ្ធសភាលោក ខៀវ មុត បានលើកឡើងថា រាជរដ្ឋាភិបាលគួរធ្វើការសិក្សាកន្លែងអភិរក្ស ដើម្បីទស្ស នាត្រីសមុទ្រ ក៏ដូចជាសត្វសមុទ្រដែលរស់នៅក្នុងសមុទ្រដល់អ្នកទេសចរដែល ទៅកម្សាន្តនៅតំបន់ឆ្នេរ ។
លោកបានបន្តថា រដ្ឋាភិបាលគួររៀបចំកន្លែងទស្សនាដោយដាក់បង្ហាញត្រីសមុទ្រ សត្វ រស់ នៅក្នុងសមុទ្រដល់អ្នកទេចរឱ្យបានមើលដើម្បីទាក់ទាញភ្ញៀវទេសចរមកលេងតំបន់ឆ្នេរដោយធ្វើជាកន្លែងទស្សនាដាក់ជាទូកញ្ចក់ដូចនៅបរទេស ។ ទោះជាយ៉ាងណាក្តីសមាជិកព្រឹទ្ធសភា រូបនេះក៏បានអះអាងថា ការធ្វើបែបនេះនឹងអស់ថវិការ ច្រើន ដែលជាផលវិបាកមួយដែរក្នុង ការសាងសង់កន្លែងនេះ ។
ចំណែកលោក មែន ស៊ីផាន់ សមាជិកព្រឹទ្ធសភាបានលើកឡើងថា រដ្ឋាភិបាល ដែលមាន ក្រសួងកសិកម្មរុក្ខាប្រមាញ់ និងនេសាទ ជាសេនាធិការគួរសិក្សាពីការបំផ្លាស់ទីត្រីសមុទ្រនៅ គ្រប់រដូវដើម្បីធ្វើការអភិរក្ស ។ ជាមួយគ្នានោះដែរលោកក៏បានលើកឡើងពីបញ្ហាប្រឈមនៅ ក្នុងទឹកសមុទ្រដែលមានចែងនៅក្នុងច្បាប់ជាតិ និងអន្តរជាតិក៏មានចែងផងដែរ ។ លោកបញ្ជាក់ថា៖ «ផ្អែកតាមច្បាប់ដែលបានសិក្សា ហើយដើម្បីបន្សាយកង្វល់មហាជន និង សាធារណជន ខ្ញុំសូមស្នើឲ្យរដ្ឋមន្ត្រីក្រសួងកសិកម្ម បង្ហាញពីការប្រឈមដែលធ្វើឲ្យត្រីធ្វើការ បំផ្លាស់ទីឈានដល់បាត់ដល់ផលស្តុក ឬអស្ថេរភាពផលស្តុក ដូចជាត្រីផ្លាធូខ្យង ការបាត់បង់ ធនធានសមុទ្រ ការបំពុលបរិយាកាសសមុទ្រ…» ។
ចំពោះការលើកឡើងរបស់សមាជិកព្រឹទ្ធសភាទាំងនេះត្រូវបានលោក វេង សាខុន រដ្ឋមន្ត្រី ក្រសួងកសិកម្ម រុក្ខាប្រមាញ់ និងនេសាទ បានលើកឡើងថាទាក់ទិននឹងការស្នើ សុំបង្កើត កន្លែង អភិរក្សនេះ ពេលកន្លងមកក្រសួងកសិកម្មបានធ្វើការអភិរក្សកន្លែង មួយចំនួនរួចហើយ ដែរ ។
លោកបន្តថាក្រសួងមិនអាចដោះស្រាយបញ្ហាទាំងស្រុងនោះទេ ព្រោះថាការធ្វើការងារ ត្រូវ តែមានការពិភាក្សារវាងក្រសួងពាក់ព័ន្ធ ពិសេសនោះក្រសួងបរិស្ថាន ។ ប៉ុន្តែក្រសួងកសិកម្ម នឹងខិតខំធ្វើតាមតួនាទីដែលមានចែងក្នុងច្បាប់ ។
លោករដ្ឋមន្ត្រីបានបន្តថាបញ្ហាប្រឈាមជាច្រើនដែលក្រសួងជួប តែក្រសួង បានធ្វើការដោះ ស្រាយបន្តិចម្តងៗជាបន្តបន្ទាប់ ។ លោកក៏បានលើកលើកឡើងថាដើម្បី ធ្វើការដោះស្រាយ បញ្ហាពាក់ព័ន្ធនឹងត្រីក្នុងសមុទ្រ ក៏ត្រូវមានការធ្វើវិសោនធកម្ម ច្បាប់ស្តីពីជលផល ។ ព្រោះ ច្បាប់ជលផលមិនបានគ្រប់ដណ្តប់ទៅលើធនធានសមុទ្រនោះទេ ។ លោកបន្ថែមថា ការគ្រប់ គ្រងជលផលនេះដែរក៏ត្រូវតែមានកិច្ចសហប្រតិបត្តិការ ជាមួយប្រទេសជិតខាង ក៏ដូចជា ច្បាប់អន្តរជាតិផ្សេងទៀត ដើម្បីធ្វើការដោះស្រាយ ៕ កែសម្រួលដោយ ៖ សុឃាក់
ចែករំលែកព័តមាននេះ