គ្រូបង្វឹកក្លិបបិសាចក្រហម ត្រូវគេរិះគន់ដោយសារតែញញឹមក្នុងបទសម្ភាសន៍
តាមប្រភពព័ត៌មាន Soccer Laduma បានឱ្យដឹងថា អ្នកចាត់ការក្រុមបិសាចក្រហម លោក Ole Gunnar Solskjaer រងការរិះគន់ពីសំណាក់អតីតកីឡាករក្រុមបិសាចក្រហម…
តាមប្រភពព័ត៌មាន Soccer Laduma បានឱ្យដឹងថា អ្នកចាត់ការក្រុមបិសាចក្រហម លោក Ole Gunnar Solskjaer រងការរិះគន់ពីសំណាក់អតីតកីឡាករក្រុមបិសាចក្រហម…
តាមប្រភពព័ត៌មាន Soccer Laduma បានឱ្យដឹងថា អ្នកចាត់ការក្រុមបិសាចក្រហម លោក Ole Gunnar Solskjaer រងការរិះគន់ពីសំណាក់អតីតកីឡាករក្រុមបិសាចក្រហម ថាបានញញឹមនៅក្នុងបទសម្ភាសន៍ក្រោយចប់ការប្រកួត បន្ទាប់ពីចាញ់ក្រុម Arsenal។
Robin van Persie អតីតកីឡាកររបស់ក្លិប Manchester United និង Arsenal មិនពេញចិត្តនឹងការញញឹមរបស់លោក Ole នៅក្នុងបទសម្ភាសន៍ក្រោយពេលចាញ់ Arsenal ក្នុងលទ្ធផល ២-០ នៅកីឡដ្ឋាន Emirates។ Persie យល់ថា លោក Ole គួរតែខឹងចំពោះការចាញ់មួយនេះ។
លោក Van Persie បានប្រាប់ទូរទស្សន៍ BT Sport ថា៖ “នៅពេលខ្ញុំស្តាប់ លោក Ole និយាយ គាត់ហាក់បីដូចជាមនុស្សល្អណាស់អ៊ីចឹង។ ខ្ញុំចង់ឃើញគាត់បញ្ចេញមុខកាច់របស់គាត់នៅពេលខ្លះ។ ខ្ញុំឃើញគាត់ញញឹមនៅពេលទាត់ចាញ់គេ។ នេះមិនមែនជាពេលដែលត្រូវញញឹមនោះទេ។”
លោក Solskjaer ពិតជាមិនពេញចិត្តចំពោះការលើកឡើងរបស់ Van Persie ហើយបានឆ្លើយតបមកវិញភ្លាមៗថា៖ “ខ្ញុំមិនស្គាល់ Robin ហើយ Robin ក៏មិនទាន់ស្គាល់ខ្ញុំដែរ។ គាត់អាចនឹងមិនមានសិទ្ធិរិះគន់របៀបដឹកនាំក្រុមរបស់ខ្ញុំទេ ហើយខ្ញុំក៏មិនផ្លាស់ប្តូរតាមគាត់ដែរ។”
តើអាចទេថា Man Utd អាចនឹងឡើងដល់ Top 4 នៅក្នុងការប្រកួតរដូវកាលនេះ ក្រោមការដឹកនាំរបស់លោក Ole? សូមជាមតិនៅក្នុង Comment ខាងក្រោម៕ កែសម្រួលដោយ ៖ សុឃាក់
ចែករំលែកព័តមាននេះ