អភិបាលរាជធានី ៖ មហាជនជាង៣ម៉ឺននាក់នឹងចូលរួមអបអរទិវាជ័យជម្នះ ៧ មករា
- ភ្នំពេញ
រាជធានីភ្នំពេញ ៖ រដ្ឋបាលរាជធានីភ្នំពេញបានឲ្យដឹងថា ក្នុងព្រឹត្តិការណ៍ខួបអនុស្សាវរីយ៍លើកទី៤១ នៃទិវាជ័យជម្នះ ៧ មករា ១៩៧៩-៧ មករា ២០២០នេះ…
រាជធានីភ្នំពេញ ៖ រដ្ឋបាលរាជធានីភ្នំពេញបានឲ្យដឹងថា ក្នុងព្រឹត្តិការណ៍ខួបអនុស្សាវរីយ៍លើកទី៤១ នៃទិវាជ័យជម្នះ ៧ មករា ១៩៧៩-៧ មករា ២០២០នេះ…
រាជធានីភ្នំពេញ ៖ រដ្ឋបាលរាជធានីភ្នំពេញបានឲ្យដឹងថា ក្នុងព្រឹត្តិការណ៍ខួបអនុស្សាវរីយ៍លើកទី៤១ នៃទិវាជ័យជម្នះ ៧ មករា ១៩៧៩-៧ មករា ២០២០នេះ នឹងមានមហាជនចូលរួមអបអរសាទរយ៉ាងច្រើនកុះកររហូតដល់ជាង៣ម៉ឺននាក់ ។
ក្នុងកិច្ចប្រជុំស្តីពីការរៀបចំទិវាជ័យជម្នះ៧ មករា នៅព្រឹកថ្ងៃទី៣ ខែមករានេះ លោក ឃួង ស្រេងអភិបាលរាជធានីភ្នំពេញបានឲ្យដឹងថា ក្រុមមហាជនដែលគ្រោងចូលរួមជាង៣ម៉ឺននាក់នេះ គឺអញ្ជើញមកពីតាមបណ្តាខណ្ឌទូទាំងរាជធានីភ្នំពេញ និងមកពីក្រសួងស្ថាប័នរបស់រដ្ឋ។
លោកបានបញ្ជាក់ថា បើទោះបីជាពិធីបុណ្យនេះរដ្ឋបាលរាជធានីភ្នំពេញធ្លាប់បានប្រារព្ធធ្វើជាច្រើនដងហើយទទួលបានជោគជ័យជាបន្តបន្ទាប់ក៏ដោយ ប៉ុន្តែអាជ្ញាធរមិនដែលធ្វេសប្រហែសឡើយក្នុងការការពារសន្តិសុខ សុវត្ថិភាព និងសណ្តាប់ធ្នាប់ជូនប្រជាពលរដ្ឋ និងថ្នាក់ដឹកនាំដែលចូលរួមក្នុងពិធីបុណ្យ ដើម្បីឲ្យប្រព្រឹត្តទៅដោយរលូន។
លោកអភិបាលរាជធានីក៏បានណែនាំដល់អាជ្ញាធពាក់ព័ន្ធទាំងអស់ ឲ្យបង្កើនការយកចិត្តទុកដាក់ការពារសន្តិសុខសុវត្ថិភាពនិងសណ្តាប់ធ្នាប់ក្នុងការប្រារព្ធពិធី ដើម្បីទទួលបានភាពជោគជ័យ១០០ភាគរយ។
លោកនាយឧត្តមសេនីយ៍ ទូច ណារ៉ុថ អគ្គស្នងការរងនគរបាលជាតិ និងជាប្រធាននាយកដ្ឋានអង្គរក្សបានឲ្យដឹងថា ក្រុមកម្លាំងសមត្ថិកិច្ចចំរុះ រួមមានកម្លាំងនគរបាលជាតិ កងរាជអាវុធហត្ថនិងកម្លាំងអង្គរក្សត្រូវបាកដាក់ពង្រាយនៅតាមទីតាំងជុំវិញប្រារព្ធពិធីសំដៅជួយសំរួលធ្វើយ៉ាងណាអោយពិធីមេទ្ទិញប្រារព្ធទៅដោយរលូន ដែលក្នុងនោះមានការចាត់ចែងពីទីតាំងចំណតរថយន្ត ច្រកសុវត្ថិភាពចេញ-ចូល។
សូមបញ្ជាក់ថា រាជរដ្ឋាភិបាលកម្ពុជា និងប្រជាពលរដ្ឋនៅទូទាំងប្រទេសបានប្រារព្ធពិធីអបអរសាទរថ្ងៃជ័យជម្នៈ៧មករា ជារៀងរាល់ឆ្នាំ ចាប់ពីឆ្នាំ១៩៧៩មកដើម្បីរំលឹកនូវការចងចាំមិនអាចបំភ្លេចបានចំពោះមហាឧក្រិដ្ឋកម្មដ៏សាហាវព្រៃផ្សៃបំផុតនៃរបបកម្ពុជាប្រជាធិបតេយ្យរបស់ពួកប៉ុលពត ដែលបាន ប្រព្រឹត្តមកលើមាតុភូមិ និងប្រជាជនកម្ពុជា ក្នុងស្មារតីគោរពដឹងគុណយ៉ាងជ្រាលជ្រៅ ចំពោះយុទ្ធជន យុទ្ធនារី និងអ្នកស្នេហាជាតិទាំងឡាយ ដែលបានធ្វើពលីកម្ម ក្នុងការតស៊ូ ផ្ដួលរំលំរបបប្រល័យពូជសាសន៍ ៕ (កែសម្រួលដោយ ៖ ធីតា)
ចែករំលែកព័តមាននេះ