ស្របពេលជាមួយនឹងការចូលមកដល់របស់ទសវត្សថ្មីឆ្នាំ២០២០ គេឃើញមានកីឡាករខ្លាំងៗ១០នាក់ ដែលអាចនឹងចូលនិវត្តន៍។ នៅក្នុងនោះក៏មានវត្តមានរបស់ជើងខ្លាំង២រូប Cristiano Ronaldo និង Lionel Messi ។…
ស្របពេលជាមួយនឹងការចូលមកដល់របស់ទសវត្សថ្មីឆ្នាំ២០២០ គេឃើញមានកីឡាករខ្លាំងៗ១០នាក់ ដែលអាចនឹងចូលនិវត្តន៍។ នៅក្នុងនោះក៏មានវត្តមានរបស់ជើងខ្លាំង២រូប Cristiano Ronaldo និង Lionel Messi ។
ឆ្នាំថ្មីឆ្នាំ ២០២០ បានសម្គាល់ការចាប់ផ្តើមនៃទសវត្សថ្មីទាំងមូល ដែលជាទសវត្សថ្មីមួយដែលជើងខ្លាំងនៅក្នុងវិស័យកីឡាបាល់ទាត់ជាច្រើនទំនងជាចូលនិវត្តន៍។ វាអាចមានបញ្ជីឈ្មោះកីឡាករជាច្រើន តែ Soccer Laduma បានសម្រេចចិត្តនិយាយតែកីឡាករខ្លាំងៗទាំង១០រូបប៉ុណ្ណោះ។
ក្នុងវ័យ ៣៣ឆ្នាំ Sergio Ramos កីឡាកររបស់ក្លិបអធិរាជស Real Madrid អាចនឹងគ្មានមុខធ្វើជាកីឡាករបាល់ទាត់ទៀតទេ នៅទសវត្សក្រោយ។ ក្រោយពីលេងបាន២រដូវកាលនៅ Los Nervionenses កីឡាករ Ramos បានចូលលេងនៅ Los Blancos ហើយធ្វើជាខ្សែការពារបាន ៦២៨ដង និង លេងឱ្យក្រុមជម្រើសជាតិអេស្បាញបាន ១៧០ដង។
មិត្តរួមក្រុមរបស់គាត់គឺ Karim Benzema គឺជាតារាកីឡាករកំពូលម្នាក់ទៀត ដែលទំនងជាព្យួរស្បែកជើងនៅទសវត្សនេះ។ គាត់គឹជាកីឡាករម្នាក់ ដែលខំលេងទាំងមិនសូវមានគេលើកតំកើង។
ខ្សែប្រយុទ្ធឆ្នើមរបស់ក្រុមសេះបង្កង់ Juventus កីឡាករ Giorgio Chiellini ក៏ទំនងជាចូលនិវត្តន៍ក្នុងទសវត្សនេះដែរ ដូចជាខ្សែការពារកណ្តាលរបស់ក្លិប FC Barcelona កីឡាករ Gerard Pique ដែរ។
ទសវត្សចុងក្រោយនេះ គឺជាពេលដែល Ronaldo និង Messi ឡើងកូដយ៉ាងខ្លាំង តែសម្រាប់នៅពេលខាងមុខនេះ ពួកគេអាចនឹងចូលនិវត្តន៍ ដោយសារតែអាយុចេះតែរំកិលទៅមុខ។ Ronaldo នឹងមានអាយុ៣៥ឆ្នាំនៅខែក្រោយ ខណៈដែល Messi មានអាយុ៣៣ឆ្នាំ នៅខែមិថុនាឆ្នាំនេះ៕
កែសម្រួលដោយ ៖ សំណាង
ចែករំលែកព័តមាននេះ