រាជធានីភ្នំពេញ ៖ រាត្រីឆ្លងឆ្នាំចប់ភ្លាម អ្នកឈ្នះរង្វាន់ទាំងតូចទាំងធំពីក្រវិលកំប៉ុងស្រាបៀរកម្ពុជា បានទំនាក់ទំនងមកប្តូរង្វាន់ជាមួយក្រុមហ៊ុនញាប់ដូចម៉ាស៊ីនដេរ ហើយក្នុងចំណោមរង្វាន់ទាំងអស់នោះ គឺមានរង្វាន់ធំជាងគេបំផុតមួយដែលអតិថិជនភាគច្រើនប្រាថ្នាចង់បាន គឺរង្វាន់រថយន្តទំនើបរបស់អាល្លឺម៉ង់ម៉ាក Porsche Macan…
រាជធានីភ្នំពេញ ៖ រាត្រីឆ្លងឆ្នាំចប់ភ្លាម អ្នកឈ្នះរង្វាន់ទាំងតូចទាំងធំពីក្រវិលកំប៉ុងស្រាបៀរកម្ពុជា បានទំនាក់ទំនងមកប្តូរង្វាន់ជាមួយក្រុមហ៊ុនញាប់ដូចម៉ាស៊ីនដេរ ហើយក្នុងចំណោមរង្វាន់ទាំងអស់នោះ គឺមានរង្វាន់ធំជាងគេបំផុតមួយដែលអតិថិជនភាគច្រើនប្រាថ្នាចង់បាន គឺរង្វាន់រថយន្តទំនើបរបស់អាល្លឺម៉ង់ម៉ាក Porsche Macan 2020 ដែលអ្នកឈ្នះរង្វាន់នេះដំបូងគេបំផុតបានបង្ហាញមុខហើយ គឺអតិថិជនស្នាក់នៅក្នុងសង្កាត់ទួលពង្រ ខណ្ឌដង្កោ រាជធានីភ្នំពេញ ។
លោក ណុយ សុខណេម អាយុ ២៦ឆ្នាំ ដើមកំណើតមកពីកំពង់ឆ្នាំង បានផ្លាស់ទីលំនៅមកស្នាក់នៅរាជធានីភ្នំពេញ ជាមួយប្រពន្ធ និងកូនតូចមួយ ដោយសព្វថ្ងៃបម្រើការងារជាបុគ្គលិកក្រុមហ៊ុនកាត់ដេរសម្លៀកបំពាក់មួយកន្លែង ហើយនៅយប់ថ្ងៃឆ្លងឆ្នាំសកលបានតេមកភ្នាក់ងារទទួលបើករង្វាន់ក្រុមហ៊ុនស្រាបៀរកម្ពុជា ទាំងយប់តែម្តងតាមរយៈលេខ 067 902 902 ដើម្បីធ្វើការណាត់ជួបប្តូររង្វាន់ឡានទំនើបខាងលើ ហើយក្រុមការងារបានទំនាក់ទំនងទៅវិញនៅព្រឹកបន្ទាប់តែម្តង ។
លោកស្រី គង់ កុសល នាយិកាផ្នែកទីផ្សារក្រុមហ៊ុន ខ្មែរ ប៊ែវើរីជីស បានរៀបរាប់ថា៖ «នាងខ្ញុំពិតជាមានការភ្ញាក់ផ្អើលណាស់នៅពេលដែលទទួលបានដំណឹងដ៏គួរឰឱ្យរំភើបមួយនេះ ព្រោះយើងបានទន្ទឹងរង់ចាំមើលថានរណាដែលជាអ្នកឈ្នះរង្វាន់ធំជាងគេបំផុតនេះមុនគេបង្អស់ក្នុងប្រទេសកម្ពុជា តាំងពីថ្ងៃដែលរង្វាន់រថយន្តទំនើបអាល្លឺម៉ង់ម៉ាក Porsche 2020 ទាំង ១២ គ្រឿងនេះបានបញ្ចេញនៅលើទីផ្សារស្របពេលដែលយើងបានសម្ពោធរូបរាងថ្មីកំប៉ុងស្រាបៀរកម្ពុជា មកម្លេះ» ។
លោកស្រីក៏បានចូលរួមអបអរសាទរដល់អ្នកឈ្នះរង្វាន់ដំបូងបំផុតខាងលើនេះផងដែរ ហើយ ពេលនេះក្រុមហ៊ុនក៏បានទទួលក្រវិលកំប៉ុង និងរៀបចំឯកសារដើម្បីប្តូររង្វាន់ជូនទៅដល់អតិថិជនខាងលើលោក ណុយ សុខណេម រួចរាល់ហើយដែរ នៅឡើយរង់ចាំតែពិធីប្រគល់រង្វាន់ដែលនឹងកើតឡើងក្នុងពេលឆាប់ៗនេះតែប៉ុណ្ណោះ ។ ពិសាដោយការទទួលខុសត្រូវ ! ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ