ខេត្តប៉ៃលិន ៖ អភិបាលខេត្តប៉ៃលិន និងក្រុមការងារ ព្រមទាំងអនុសាខាកាកបាទក្រហមកម្ពុជាក្រុងប៉ៃលិន ចុះសួរសុខទុក្ខ និងនាំយកអំណោយ ទៅឧបត្ថម្ភដល់កម្មករ និងម្ចាស់ជង្រុកដាក់កសិផលដែលត្រូវភ្លើងឆេះ ។…
ខេត្តប៉ៃលិន ៖ អភិបាលខេត្តប៉ៃលិន និងក្រុមការងារ ព្រមទាំងអនុសាខាកាកបាទក្រហមកម្ពុជាក្រុងប៉ៃលិន ចុះសួរសុខទុក្ខ និងនាំយកអំណោយ ទៅឧបត្ថម្ភដល់កម្មករ និងម្ចាស់ជង្រុកដាក់កសិផលដែលត្រូវភ្លើងឆេះ ។ គួររំលឹកថា ម្ចាស់យំលែងចេញ ខណៈជង្រុកដាក់កសិផលខ្ទេចគ្មានសល់
ការចុះចែកអំណោយនេះបានធ្វើឡើងកាលពីថ្ងៃទី២ ខែមករា ឆ្នាំ២០២០ ស្ថិតនៅភូមិភ្នំរាំង សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ។
ម្ចាស់ជង្រុកដាក់កសិផលរងគ្រោះខាងលើឈ្មោះ ឃុត គឹមហេន ភេទស្រី អាយុ៣៧ឆ្នាំ និងកម្មករចាំចម្ការចំនួន៤គ្រួសារ ។
សូមបញ្ជាក់ផងដែរថា ករណីអគ្គិភ័យឆេះជង្រុកដាក់កសិផលមានទទឹង៨ម៉ែត្រ គុណនឹងបណ្តោយ៥០ម៉ែត្រ មានទីតាំងស្ថិតនៅ ភូមិព្រៃមង្គល សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន បណ្តាលអោយរងការខូចខាតសម្ភារៈអស់ទាំងស្រុងដូចជា ត្រាក់ទរ័១គ្រឿង, ម៉ាស៊ីនដេរ, សំលៀកបំពាក់ចំនួនមួយឈុត, ម៉ាស៊ីនកាត់ស្មៅ ម៉ាស៊ីនបាញ់ថ្នាំ និងឈើសំរាប់ទុកឱ្យសាងសង់ផ្ទះ រួមទាំងរបស់ជាច្រើនទៀតឆេះទាំងស្រុង ។
ករណីខាងលើនេះ មិនបង្កអោយមានមនុស្សណាម្នាក់រងរបួសនោះទេ ហើយការឆេះនេះ គឺមិនទាន់ដឹងពីមូលហេតុច្បាស់លាស់នៅឡើយទេ ព្រោះម្ចាស់ជង្រុក និងកម្មករមិនបាននៅទីនោះមុនពេលកើតហេតុ ៕ (កែសម្រួលដោយ ៖ ធីតា)
ចែករំលែកព័តមាននេះ