វិបត្តិសេដ្ឋកិច្ច គឺជាកំឡុងពេលដែលទិន្នផលក្នុងស្រុកសរុប ឬ GDP ធ្លាក់ចុះប្រមាណ ៦ខែជាប់ៗគ្នា។ អាស៊ីជួបប្រទះវិបត្តិនេះម្តងនៅឆ្នាំ ១៩៩៧ ហើយពិភពលោកក៏ជួបវាម្តងទៀតនៅឆ្នាំ ២០០៨ ដែលបានបង្កផលប៉ះពាល់ដល់សេដ្ឋកិច្ចកម្ពុជាផងដែរ ។
សេដ្ឋវិទូជាច្រើនបានឲ្យដឹងថា ពិភពលោកអាចនឹងជួបប្រទះនឹងវិបត្តិសេដ្ឋកិច្ចក្នុងតំបន់ ឬអន្តរជាតិម្តងទៀត ។ ដោយហេតុដូចនេះ បើអ្នកចង់ការពារទ្រព្យសម្បត្តិរបស់ខ្លួន អ្នកគួរតែសាកល្បងអនុវត្តតាមយុទ្ធសាស្ត្ររបស់អ្នកជំនាញខាងក្រោមនេះ៖
១. ដកខ្លួនចេញពីបំណុល៖
ជំហានទីមួយដែលអ្នកអាចការពារខ្លួនមុនពេលមានវិបត្តិសេដ្ឋកិច្ច គឺដកខ្លួនចេញពីបំណុលដែលមិនទាក់ទិននឹងកម្ចីទិញផ្ទះ ។ មូលហេតុអ្វី? អ្នកជំនាញបានប្រាប់មកថា ពេលដែលសេដ្ឋកិច្ចជួបវិបត្តិ អ្នកអាចនឹងបាត់បង់ការងារដែលប៉ះពាល់ដល់ប្រភពចំណូលរបស់អ្នក ដូច្នេះការដកខ្លួនចេញពីបំណុលនឹងជួយឲ្យអ្នកមានភាពបត់បែនច្រើន និងជួយកាត់បន្ថយសម្ភាធក្នុងការរកលុយមកសងបំណុលផងដែរ ។
២. ទុកលុយសម្រាប់ពេលមានអាសន្នឲ្យបានច្រើន៖
បើអ្នកគិតថាអ្នកអាចនឹងបាត់បង់ការងារពេលដែលសេដ្ឋកិច្ចមានបញ្ហា អ្នកនឹងត្រូវការថវិកាសម្រាប់ពេលអាសន្ន ។ អ្នកជំនាញប្រាប់មកថា ជាទូទៅអ្នកគួរតែទុកថវិកាដែលស្មើការចាយវាយប្រមាណពី ៣ទៅ ៦ខែ ព្រោះបើអ្នកបាត់បង់ការងារ អ្នកក៏អាចជួបការលំបាកក្នុងការរកការងារថ្មីដែរ ។
៣. ស្គាល់មនុស្សឲ្យបានច្រើន៖
ការផ្លាស់ប្តូរនាមប័ណ្ណមួយអាចអនុញ្ញាតឲ្យអ្នកទទួលបានឱកាសការងារមួយដែលពេលដែលអ្នកបាត់បង់ការងារព្រោះតែសេដ្ឋកិច្ចជួបការលំបាក ។ ដោយហេតុដូចនេះអ្នកគួរតែខិតខំស្គាល់មនុស្សក្នុងវិស័យខ្លួនឲ្យបានច្រើន ។
៤. បង្កើនប្រភពចំណូល៖
វាអាចជាការងារក្រៅម៉ោង ឬអាជីវកម្មផ្ទាល់ខ្លួនដែលអាចអនុញ្ញាតឲ្យអ្នកមានប្រភពចំណូលថ្មីមួយទៀតព្រោះវានឹងជួយកាត់បន្ថយសម្ភាធប្រសិនបើការងារអ្នកត្រូវបានគៀបសង្កត់ ឬគម្រាមកំហែងព្រោះតែវិបត្តិសេដ្ឋកិច្ច ៕ កែសម្រួលដោយ ៖ សុឃាក់
ចែករំលែកព័តមាននេះ