ខេត្តស្វាយរៀង ៖ កាលពីវេលាម៉ោង១១និង៣០នាទីយប់ថ្ងៃទី២ ខែមករា ឆ្នាំ២០២០ កម្លាំងល្បាតចល័ត របស់អធិការដ្ឋាននគរបាលស្រុកបានសហការជាមួយប៉ុស្តិ៍នគបាលរដ្ឋបាលឃុំមនោរម្យ និងកម្លាំងប្រជាការពារបានធ្វើការឃាត់ខ្លួនជនជាតិវៀតណាមចំនួន៤នាក់បានលួចឆ្លងដែនដោយខុសច្បាប់តាមច្រកព្រំដែនក្បែរច្រករបៀងមនោរម្យ ស្ថិតក្នុងឃុំមនោរម្យ ស្រុកស្វាយទាប ។
បើតាមសមត្ថកិច្ចឲ្យដឹងថា ដោយមានការសង្ស័យទើបសមត្ថកិច្ចបានឃាត់សួរ ហើយពួកគេឆ្លើយថាជាជនជាតិវៀតណាម ទើបធ្វើការឃាត់ខ្លួនទាំង៤នាក់តែម្តង។
តាមប្រភពដដែលបានបន្តថា ជនសង្ស័យទាំង៤នាក់ជាជនជាតិវៀតណាមខាងលើរួមមាន ១-ឈ្មោះត្រឹង យឹងយិន ភេទប្រុស អាយុ២៥ឆ្នាំ មុខរបរកម្មករ រស់នៅភូមិភឿកតី ឃុំឡុងភឿក ស្រុកបេនកូវ ខេត្តតៃនិញ ២-ឈ្មោះង្វៀង ថាន់ទឹង ភេទប្រុស អាយុ៣២ឆ្នាំ មុខរបរកម្មករ រស់នៅភូមិភឿកវ៉ា ឃុំមុំថាបេ ស្រុកចូវថាន ខេត្តតៃនិញ ៣-ឈ្មោះង្វៀង ហាយថាន់ ភេទប្រុស អាយុ២១ឆ្នាំ មុខរបរកម្មករ រស់នៅភូមិភឿកតី ឃុំឡុងភឿក ស្រុកបេនកូវ ខេត្តតៃនិញ និង៤-ឈ្មោះតាយ យាំទៀង ភេទប្រុស អាយុ៣២ឆ្នាំ មុខរបរធ្វើស្រែ រស់នៅភូមិភឿកតី ឃុំឡុងភឿក ស្រុកបេនកូវ ខេត្តតៃនិញ។
តាមប្រភពដដែលបន្តទៀតថា ក្រោយពីការឃាត់ខ្លួនជនជាតិវៀតណាមទាំង៤នាក់ខាងលើ សមត្ថកិច្ចបានធ្វើការដកហូតសម្ភារៈជាបណ្ដោះអាសន្នរួមមាន ម៉ូតូចំនួន២គ្រឿង, ២-អត្តសញ្ញាណប័ណ្ណជនជាតិវៀតណាមចំនួន២សន្លឹក, ៣-ប័ណ្ណបើកបរចំនួន២សន្លឹក និង៤-ប្រាក់ចំនួន៣.៧០០.០០០ដុង (បីលានប្រាំពីសែនដុង) ។ បន្ទាប់ពីឃាត់ខ្លួនសាកសួររួចបញ្ជូនមកអធិការដ្ឋាននគបាលស្រុកស្វាយទាបដើម្បីចាត់ការបន្តតាមនីតិវិធី ៕ (កែសម្រួលដោយ ៖ ធីតា)
ចែករំលែកព័តមាននេះ