រាជធានីភ្នំពេញ ៖ ទីបំផុតសមាជិកព្រឹទ្ធសភានៃព្រះរាជណាចក្រកម្ពុជាចំនួន៥៨រូប បានលើកដៃអនុម័តជាមឯកច្ឆ័ន្ទលើសេចក្តីព្រាងច្បាប់ធានាទូទាត់របស់រាជរដ្ឋាភិបាលឲ្យក្រុមហ៊ុនឯកជនធ្វើការសាងសង់ស្ថានីយអគ្គិសនីដោយកម្លាំង១៤០មេហ្គាវ៉ាត់ហើយ ។
ការអនុម័តសេចក្តីព្រាងច្បាប់នេះ ធ្វើឡើងក្នុងសម័យប្រជុំពេញអង្គព្រឹទ្ធសភា នាព្រឹកថ្ងៃទី០៣ ខែមករានេះ ក្រោមអធិបតីភាពសម្តេចវិបុលសេនាភក្តីសាយ ឈុំ ប្រធានព្រឹទ្ធសភាដោយបានលើកយករបៀបវារៈសំខាន់ចំនួន៧មកពិនិត្យពិភាក្សា និងអនុម័ត ។
លោកម៉ម ប៊ុននាង សមាជិកព្រឹទ្ធសភា និងជាអ្នកនាំពាក្យព្រឹទ្ធសភាបានឲ្យដឹងក្រោយកិច្ចប្រជុំយ៉ាងដូច្នេះថាអង្គប្រជុំព្រឹទ្ធសភាបានអនុម័តសេចក្តីព្រាងច្បាប់ចំនួន៦ ទាក់ទង និងការធានាទូរទាត់របស់រាជរដ្ឋាភិបាលឲ្យក្រុមហ៊ុនឯកជនចំនួន៤ សម្រាប់ការសាងសង់ស្ថានីយអគ្គិសនីដើរដោយព្រះអាទិត្យដោយមានអានុភាពសរុប១៤០ មេហ្គាវ៉ាត់ និងការធានាទិញថាមពលអគ្គិសនីលិតដោយធ្យូងថ្មទំហំ២៤០មេហ្គាវ៉ាត់ ពីប្រទេសឡាវជាស្ថាពរ ។
អ្នកនាំពាក្យព្រឹទ្ធសភាក៏បានឲ្យដឹងថា ការអនុម័តសេចក្តីព្រាងច្បាប់នេះ គឺឆ្លើយតប និងមាត្រា៦១នៃរដ្ឋធម្មនុញ្ញរបស់ព្រះរាជាណាចក្រកម្ពុជាចែងថា សេចក្តីព្រាងច្បាប់ទាំងអស់មានសុគត់ភាពជាមួយច្បាប់ស្តីពីការវិនិយោគច្បាប់ស្តីពីសប្បទានច្បាប់ស្តីពីហិរញវត្ថុសម្រាប់ការគ្រប់គ្រងឆ្នាំ២០១៩ ច្បាប់ស្តីពីអគ្គិសនី និងច្បាប់ស្តីពីពន្ធដា ។ លោកបន្តថា អង្គប្រជុំបានបាយតម្លៃចំពោះសេចក្តីព្រាងច្បាប់ទាំងអស់ថា មានលក្ខខណ្ឌត្រឹមត្រូវវានទម្រង់ និងគត្តិច្បាប់ ។
លោក ម៉ម ប៊ុននាង បានបញ្ជាក់ថា ៖«ក្នុងច្បាប់ក៏មានចំណុចសំខាន់ៗដែលបានលើឡើងក្នុងអង្គប្រជុំ ដោយកម្ពុជាយើងបានត្រៀមលក្ខខណៈរយៈពេល១០ឆ្នាំ គឺចាប់ពី២០២០ ដល់ឆ្នាំ២០៣០ ដោយសារប្រមុខរាជរដ្ឋាភិបាលបានបញ្ជាក់ថា នឹងនាំនាវាកម្ពុជាយើងឲ្យក្លាយទៅជាប្រទេសមានសេដ្ឋកិច្ចមធ្យមកម្រិតខ្ពស់នៅឆ្នាំមុខ» ។ លោកបានបន្តថា ការដែលកំណត់នេះ រាជរដ្ឋាភិបាលបានខិតខំធ្វើនេះដោយសារប្រទេសមានសន្តិភាព ដូច្នេះយើងត្រូវអរគុណសន្តិភាពព្រោះថា មានសន្តិភាពទើបមានការវិនិយោគ ហើយការវិនិយោគវិស័យអគ្គិសនីនេះ គឺសំខាន់ណាស់ពោល គឺព្រៀបដូចជា សរសៃឈាមមួយសំខាន់សម្រាប់ឲ្យរោងចក្រសហគ្រាសទាំងអស់ដំណើរ និងផលិតទំនិញ ដើម្បីបម្រើសេចក្តីតម្រូវការរបស់ប្រជាពលរដ្ឋក៏ដូចជា ការនាំចេញទៅក្រៅប្រទេស ដើម្បីទទួលយកថវិកាមកកម្ពុជាវិញ ៕
ចែករំលែកព័តមាននេះ