រាជធានីភ្នំពេញ ៖ កូនប្រុសច្បងសម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា ពេលខ្លះមនុស្សឲ្យតម្លៃតិចតូចសម្រាប់ជីវិត តែដល់ពេលបាត់បង់នាំគ្នាសោកស្តាយ ។ លោក ហ៊ុន ម៉ាណែត អគ្គមេបញ្ជាការរងកងយោធពលខេមភូមិន្ទបានសរសេរលើបណ្តាញសង្គមយ៉ាងដូច្នេះថា៖«ពេលខ្លះយើងមិនសូវចាប់អារម្មណ៍ ឬឲ្យតម្លៃតិចតួចណាស់ដល់អ្វីដែលមានតម្លៃបំផុតសម្រាប់ជីវិតរស់នៅរបស់យើង ហើយបានត្រឹមនាំគ្នាសោកស្តាយពេលដែលវាបាត់បង់ទៅ…អរគុណ សន្តិភាព ដែលយើងមានសព្វថ្ងៃ និងនាំគ្នាថែរក្សាកុំអោយបាត់បង់…»។
ជាមួយគ្នានោះដែរ លោកក៏បានអរគុណ សន្តិភាព ។ ដែលពាក្យសន្តិភាពនេះត្រូវបានបណ្តាស្ថាប័នរដ្ឋ ឯកជនមួយចំនួននាំគ្នាចងបណ្តាជាពាក្យស្លោកថា «អរគុណ សន្តិភាព» នៅតាមខ្លោងទ្វាររបង ។ ពាក្យអរគុណសន្តិភាពនេះត្រូវបានសម្តេចតេជោ ហ៊ុន សែន បានផ្តើមសរសេរលើបណ្តាញសង្គម ខណៈឆ្នាំចាស់២០១៩ ឆ្លងចូលឆ្នាំថ្មី២០២០ ។ ពាក្យសន្តិភាពនេះត្រូវបានគេឃើញបង្ហោះយ៉ាងព្រោងព្រាតលើបណ្តាញសង្គមក្នុងអបអរសាទរយ៉ាងខ្លាំងដែរ ធ្វើឲ្យប្រទេសមានការរីកចម្រើននិងអភិវឌ្ឍន៍ដោយសារមានសន្តិភាព ៕ កែសម្រួលដោយ ៖ សុឃាក់
ចែករំលែកព័តមាននេះ