ADផ្ទាំងផ្សព្វផ្សាយពាណិជ្ជកម្ម

ភ្ញៀវទេសចរសម្រុកទៅលេងខេត្តមណ្ឌលគិរី ទោះបីអាកាសធាតុត្រជាក់ដល់ឆ្អឹងខ្នង

4 ឆ្នាំ មុន

មណ្ឌលគិរី
០៣ ខែ មករា ឆ្នាំ ២០២០ ម៉ោង ១០:១៤

ខេត្តមណ្ឌលគិរី ៖ ភ្ញៀវទេសចរជាង១ម៉ឺននាក់បានសម្រុកនាំគ្នាចូលរួមពិធីបុណ្យឆ្លងឆ្នាំសកល នៅខេត្តមណ្ឌលគិរី ដែលមានអាកាសធាតុ១៥ទៅ១៧អង្សាប៉ុណ្ណោះ ដែលបង្កើតឲ្យមានបទពិសោធន៏ថ្មីសម្រាប់ភ្ញៀវទេសចរជាតិ ស្គាល់រសជាតិត្រជាក់ដល់ឆ្អឹងខ្នង។ ភ្ញៀវទេសចរដែលមកលេងកម្សាន្តនៅខេត្តមណ្ឌលគិរីនារយៈពេលប៉ុន្មានឆ្នាំចុងក្រោយនេះ ត្រូវបានមន្ត្រីមន្ទីរទេសចរណ៍បញ្ជាក់ថា តែងតែមានការកើនឡើងរៀងរាល់ឆ្នាំ។…

ភ្ញៀវទេសចរដែលមកលេងកម្សាន្តនៅខេត្តមណ្ឌលគិរីនារយៈពេលប៉ុន្មានឆ្នាំចុងក្រោយនេះ ត្រូវបានមន្ត្រីមន្ទីរទេសចរណ៍បញ្ជាក់ថា តែងតែមានការកើនឡើងរៀងរាល់ឆ្នាំ។

ប្រធានមន្ទីរទេសចរណ៍ខេត្តមណ្ឌលគិរីបានឲ្យដឹងថា កត្តាដែលជម្រុញឲ្យខេត្តមណ្ឌលគិរី មានភ្ញៀវទេសចរកើនឡើងពីឆ្នាំទៅមួយឆ្នាំនោះមានច្រើនយ៉ាង ដូចជា ផ្ទះសំណាក់ សណ្ឋាគារ រមណីយដ្ឋានគឺ ខេត្តមណ្ឌល គិរីមានគ្រប់គ្រាន់សម្រាប់ទទួលភ្ញៀវទេសចរ។

ដោយឡែកកត្តាមួយទៀតនោះគឺការផ្សព្វផ្សាយពីសក្ដានុពលទេសចរពីខេត្តមណ្ឌលគិរីយ៉ាងទូលំទូលាយ និងមានប្រព័ន្ធផ្លូវថ្នល់នៅតំបន់ភូមិភាគឦសាន្តល្អស្អាត សន្តិសុខ សុវត្ថិភាព ជាពិសេសនោះគឺប្រទេសកម្ពុជាមានការរីកចម្រើនរៀងរាល់ថ្ងៃធ្វើឲ្យជីវភាពរបស់ប្រជាពលរដ្ឋក៏មានការរីកចម្រើនដូចគ្នា ដូច្នេះពួកគាត់មានអាចលទ្ធភាពសម្រាប់ការដើរលេងកម្សាន្ត ។

ប្រធានមន្ទីរទេសចរណ៍ខេត្តមណ្ឌលគិរីបានបញ្ជាក់ថា ភ្ញៀវទេសចរដែលទៅកម្សាន្តត្រៀមឆ្លងឆ្នាំថ្មី នៅខេត្តមណ្ឌលគិរី មានចំនួន១ម៉ឺន១ពាន់នាក់ ក្នុងនោះក៏មានភ្ញៀវអន្តរជាតិមានជាង១០០នាក់ ហើយតួលេខនេះ បើធៀបនិងរយៈពេលដូចគ្នាកាលពីឆ្នាំមុនគឺមានការកើនឡើង ដោយភ្ញៀវសរុបកើនឡើង១៤.៦៦% ៕ (កែសម្រួលដោយ ៖ ធីតា)