ខេត្តឧត្តរមានជ័យ ៖ អ្នកទោសខ្មែរចំនួន៤នាក់ត្រូវបានក្រុមអាជ្ញាធរថៃធ្វើការដោះលែងឱ្យមានសេរីភាពវិញនិងបញ្ជូនខ្លួនមកប្រគល់ឱ្យក្រុមអាជ្ញាធរកម្ពុជាតាមមាត់ច្រកទ្វារអន្តរជាតិជាំ ដែលខាងថៃហៅថា(ឆងសាងាំ) ស្ថិតក្នុងភូមិជាំ ឃុំត្រពាំងប្រី ស្រុកអន្លង់វែង ខេត្តឧត្តរមានជ័យ។ ក្រុមអ្នកទោសទាំង៤នាក់ដែលក្រុមអាជ្ញាធរថៃដោះលែងរួមមាន ១-ឈ្មោះខៀវ…
ខេត្តឧត្តរមានជ័យ ៖ អ្នកទោសខ្មែរចំនួន៤នាក់ត្រូវបានក្រុមអាជ្ញាធរថៃធ្វើការដោះលែងឱ្យមានសេរីភាពវិញនិងបញ្ជូនខ្លួនមកប្រគល់ឱ្យក្រុមអាជ្ញាធរកម្ពុជាតាមមាត់ច្រកទ្វារអន្តរជាតិជាំ ដែលខាងថៃហៅថា(ឆងសាងាំ) ស្ថិតក្នុងភូមិជាំ ឃុំត្រពាំងប្រី ស្រុកអន្លង់វែង ខេត្តឧត្តរមានជ័យ។
ក្រុមអ្នកទោសទាំង៤នាក់ដែលក្រុមអាជ្ញាធរថៃដោះលែងរួមមាន ១-ឈ្មោះខៀវ សារ៉ន ភេទប្រុស អាយុ៤២ឆ្នាំ រស់នៅភូមិអូរទទឹង ឃុំព្រះដាក់ ស្រុកបន្ទាយស្រី ខេត្តសៀមរាប ត្រូវសមត្ថកិច្ចចាប់ខ្លួនកាលពីថ្ងៃទី១៨ កញ្ញា ឆ្នាំ២០១៧, ២-ឈ្មោះកែវ ភាស់ ភេទប្រុស អាយុ២៨ឆ្នាំ រស់នៅភូមិបាឡាំង ឃុំវត្តគរ ស្រុកស្វាយប៉ោ ខេត្តបាត់ដំបង ៣-ឈ្មោះស៊ន ចុង ភេទប្រុស អាយុ២២ឆ្នាំ រស់នៅភូមិគោកស្រុក ឃុំតាំងក្រសាំង ស្រុកប្រាសាទសំបូរ ខេត្តកំពង់ធំ និង៤-ឈ្មោះសារ សយ ភេទប្រុស អាយុ២៥ឆ្នាំ រស់នៅភូមិខ្នោ ឃុំកំពង់ថ្ម ស្រុកសន្ទុក ខេត្តកំពង់ធំ ។ ជនសង្ស័យទាំង៣នាក់នេះចាប់ខ្លួនកាលពីថ្ងៃទី១១ កក្កដា ឆ្នាំ២០១៧ ជាប់ពន្ធនាគារនៅស្រុកខាន់តាឡាក់ ខេត្តស៊ីសាកេត ប្រទេសថៃ ពីបទឆ្លងដែនកាប់ឈើគ្រញូង។
មន្ត្រីដែលបម្រើការងារនៅមាត់ច្រកទ្វារអន្តរជាតិជាំបានឱ្យដឹងថា ក្រោយពីបានទទួលអ្នកទោសខ្មែរ៤នាក់រួចមកក្រុមការងារសមត្តកិច្ចបានធ្វើការអប់រំ និងឱ្យធ្វើកិច្ចសន្យាបញ្ឈប់ការឆ្លងដែនខុសច្បាប់បន្តទៀត ហើយបានឱ្យវិលត្រឡប់ទៅកាន់លំនៅឋានជួបជុំក្រុមគ្រួសារក្នុងថ្ងៃដដែល៕ (កែសម្រួលដោយ ៖ ធីតា)
ចែករំលែកព័តមាននេះ