រាជធានីភ្នំពេញ ៖ សំណង់អាគារដ៏ធំស្កឹមស្កៃមួយមានតម្លៃរាប់លានដុល្លារ ទនិងើបតែសាងសង់មិនទាន់ រួចរាល់ផង ស្រាប់តែវាយកម្ទេចចោលវិញ ជាហេតុធ្វើឱ្យអ្នកដំណើរ ដែលឆ្លងកាត់មានការងឿងឆ្ងល់គ្រប់ៗគ្នា និងបានចោទសួរថា មូលហេតុអ្វី…
រាជធានីភ្នំពេញ ៖ សំណង់អាគារដ៏ធំស្កឹមស្កៃមួយមានតម្លៃរាប់លានដុល្លារ ទនិងើបតែសាងសង់មិនទាន់ រួចរាល់ផង ស្រាប់តែវាយកម្ទេចចោលវិញ ជាហេតុធ្វើឱ្យអ្នកដំណើរ ដែលឆ្លងកាត់មានការងឿងឆ្ងល់គ្រប់ៗគ្នា និងបានចោទសួរថា មូលហេតុអ្វី បានជា វាយកម្ទេចចោលគួរអោយស្តាយណាស់?
ទោះបីជាយ៉ាងនេះក្តី គេពុំដឹងពីមូលអ្វីពិតប្រាកដនោះទេ ។ សំណង់ ដែលសង់មិនទាន់រួចរាល់វាយកម្ទេចចោលវិញនេះ ត្រូវបានគេដឹងថា មានទំហំប្រមាណជិត២០ម៉ែត្រ គុណនឹងជិត៣០ម៉ែត្រ មានកំពស់ប្រមាណ៧ជាន់កន្លះ ស្ថិតនៅតំបន់អភិវឌ្ឍន៍ប្ញស្សីកែវ ក្នុងភូមិស្ពានខ្ពស់ សង្កាត់គីឡូមែត្រលេខ៦ ខណ្ឌ ប្ញស្សីកែវ ។ គេពុំដឹងថា ម្ចាស់សំណង់នោះមានឈ្មោះអ្វីឡើយ ។
តាមកម្មករដែលជាក្រុមវាយកម្ទេចបានអោយដឹងថា ពួកគាត់ត្រូវបានគេជួលអោយវាយសំណង់នេះអស់ រយៈពេលប្រមាណ១ខែមកហើយ ។ កម្មកររូបនោះបានបញ្ជាក់ថា ការវាយចោលសំណង់នេះ ដើម្បីពង្រីកដីរបស់លោកនាយឧត្តមសេនីយ៍ផ្កាយមាស៤យោធាម្នាក់។ បើតាមព័ត៌មានបានអោយដឹងថា មូលហេតុដែលវាយកម្ទេចចោល ដោយសារតែខុសហុងស៊ុយហើយ ម្ចាស់ក្រោយដែលទើបតែទិញវាយកម្ទេចចោល។ ជារៀងរាល់ថ្ងៃគេឃើញគ្រឿងចក្រ រួមជាមួយកម្មករប្រមាណជាង១០នាក់ កំពុងតែសស្រាក់សស្រាំក្នុងការវាយកម្ទេចសំណង់ដ៏រឹងមាំនេះ។
តាមព័ត៌មានអោយដឹងថា សំណង់នេះសាងសង់ប្រមាណជាង១ឆ្នាំមកហើយ ដែលការសាងសង់បានជាគ្រោងរៀបឥដ្ឋបាន២ជាន់ក្រោមរីខាងលើ មិនទាន់រៀបឥដ្ឋឡើយ ។ លុះក្រោយមក នៅពេលថ្មីៗនេះ លោកឧត្តមសេនីយ៍ផ្កាយមាស៤ម្នាក់ បានទិញយកដើម្បីពង្រីកភូមិគ្រឹះរបស់ខ្លួន ហើយក៏បានវាយកម្ទេចចោលតែម្តង ។ ទោះបីជាយ៉ាងណា ការវាយកម្ទេចភូមិគ្រឹះ ដែលមានតម្លៃប្រាក់លានដុល្លារ កំពុងតែស្ថិតនៅជាអាថ៌កំបាំង ហើយអាជ្ញាធរពុំទំលាយអោយដឹងឡើយ។
មហាជននិយាយថា កុំជោរជាមួយអ្នកមានលុយ សំណង់វាល់លានមានបញ្ហាអីទិញវាយចោលលេង ដើម្បីពង្រីកយកហុងស៊ុយដីរបស់ខ្លួន ។
ចែករំលែកព័តមាននេះ