ខេត្តកណ្តាល ៖ គ្រាន់តែទឹកស្រកភ្លាម មិនទាន់ស្ងួតដីស្រួលបួលផង ស្រាប់តែឈ្មួញបានប្រើប្រាស់គ្រឿងចក្រទៅលើកទំនប់ក្រវ៉ាត់ព័ទ្ធព្រំដីតំបន់ព្រៃលិចទឹកដែនជម្រកត្រីពងកូននៅត្រង់ចំណុចបឹងព្រែកតាមាន(អតីតឡូត៍នេសាទលេខ៦) ស្ថិតក្នុងឃុំកំពង់ភ្នំ ស្រុកលើកដែក ខេត្តកណ្តាល យ៉ាងអនាធិបតេយ្យ។ បើយោងតាមឯកសារអ្នកមើលការខុសត្រូវដីយកមកអោយភ្នាក់ងារយើងមើល…
ខេត្តកណ្តាល ៖ គ្រាន់តែទឹកស្រកភ្លាម មិនទាន់ស្ងួតដីស្រួលបួលផង ស្រាប់តែឈ្មួញបានប្រើប្រាស់គ្រឿងចក្រទៅលើកទំនប់ក្រវ៉ាត់ព័ទ្ធព្រំដីតំបន់ព្រៃលិចទឹកដែនជម្រកត្រីពងកូននៅត្រង់ចំណុចបឹងព្រែកតាមាន
(អតីតឡូត៍នេសាទលេខ៦) ស្ថិតក្នុងឃុំកំពង់ភ្នំ ស្រុកលើកដែក ខេត្តកណ្តាល យ៉ាងអនាធិបតេយ្យ។
បើយោងតាមឯកសារអ្នកមើលការខុសត្រូវដីយកមកអោយភ្នាក់ងារយើងមើល ខណៈដែលចុះទៅថតផ្តិតយករូបភាពកាលពីរសៀលថ្ងៃទី៣១ ខែធ្នូ ឆ្នាំ២០១៩ម្សិលមិញថា ដីនេះគឺជាដីរបស់លោកស្រី ម៉ម សុខន រស់នៅសង្កាត់ក្បាលកោះ ខណ្ឌច្បារអំពៅ រាជធានីភ្នំពេញ ទិញពីប្រជាពលរដ្ឋ។ គ្រឿងចក្រដែលដាក់មកជីកលើកក្រវ៉ាត់នេះ គឺមានសំណើស្នើសុំពីលោក ចាប់ ច័ន្ទវិទ្យា អភិបាលស្រុកលើកដែក តាមរយៈលោក នៅ ទូច មេឃុំកំពង់ភ្នំ ជីកប្រឡាយរក្សាទឹក ភ្លឺ សំរាប់ធ្វើស្រែលើផ្ទៃដីទំហំចំនួន៤២ហិកតា នៅភូមិក្បាលជ្រោយ ឃុំកំពង់ភ្នំ។
ដោយឡែកបើតាមប្រភពព័ត៌មានខ្លះនិយាយថា ឯកសារនេះមិនអាចយកជាផ្លូវការបានទេ ព្រោះដីចំណុចបឹងព្រែកតាមាននេះ វាគឺជាដីសាធារណៈរបស់រដ្ឋ ស្ថិតនៅក្នុងតំបន់ព្រៃលិចទឹកជម្រកត្រីពងកូននៃដែន (អតីតឡូត៍នេសាទលេខ៦ ជាប់ព្រំប្រទល់ដែនរដ្ធបាលស្រុកស្អាង) ដែលចំងាយដីចុះពីថ្នល់ជាតិលេខ១ទៅប្រហែល៥-៦គីឡូដីឯណោះ។ អញ្ចឹងរាល់ការរុករានអាស្រ័យឯកជនណាមួយ ទាល់តែមានអនុក្រិត្យពីប្រមុខរាជរដ្ធាភិបាល តាមរយៈក្រសួងកសិកម្ម រដ្ធបាលជលផល ទើបដំណើរការទៅបាន។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ