ព្រះដ៏មានបុណ្យទ្រង់ត្រាស់សម្តែងថា ម្នាលភិក្ខុទាំងឡាយ ភិក្ខុប្រកបដោយធម៌៦យ៉ាង ជាអ្នកគួរទទួលចតុប្បច្ច័យ ដែលគេនាំមកបូជា ជាបុញ្ញក្ខេត្តដ៏ប្រសើររបស់សត្វលោក ។ ធម៌ទាំង៦ប្រកានោះគឺ៖
១-ភិក្ខុអាចសម្តែងនូវឫទ្ធិបាន
២-ភិក្ខុមានត្រចៀកទិព្វ រមែងស្តាប់សំឡេងមនុស្សអំពីទីឆ្ងាយក៏បាន ជិតក៏បាន
៣-ភិក្ខុរមែងកំណត់ដឹងច្បាស់នូវចិត្តរបស់សត្វលោកដោយចិត្តរបស់ខ្លួន
៤-ភិក្ខុរលឹកឃើញនូវជាតិដែលខ្លួនធ្លាប់នៅអាស្រ័យក្នុងកាលមុនជាច្រើនជាតិ
៥-ភិក្ខុមានចក្ខុទិព្វដ៏បរិសុទ្ធរមែងឃើញនូវសត្វទាំងឡាយដែលកំពុងច្យុតនិងកំពុងកើត
៦-ភិក្ខុធ្វើឲ្យជាក់ច្បាស់នូវព្រះនិព្វានដោយប្រាជ្ញាដ៏ឧត្តមរបស់ខ្លួនឯង ។
ភិក្ខុរូបណាប្រកបព្រមដោយធម៌ទាំង៦ប្រការ ភិក្ខុរូបនោះនឹងឈ្មោះថាជាអ្នកបានសម្រេចនូវធម៌ជាន់ខ្ពស់ តែសម្រាប់ព្រះសង្ឃបច្ចុប្បន្នប្រហែលជាឆ្ងាយអំពីធម៌ទាំង៦ចំណុចនេះហើយ ។ ដោយសាន សារិន
ចែករំលែកព័តមាននេះ