ខេត្តមណ្ឌលគិរី ៖ សេចក្តីរាយការណ៍បានឱ្យដឹងថា ទីតាំងលេងល្បែងមួយកន្លែងស្ថិតក្នុងព្រៃចម្ការកៅស៊ូនៅជិតច្រកទ្វេរភាគីណាំលៀរ ហៅប៉ុស្តិ៍៧ ក្នុងភូមិសាស្ត្រឃុំប៊ូស្រា ស្រុកពេជ្រាដា ខេត្តមណ្ឌលគិរី កំពុងបើកដំណើរការអស់ជាច្រើនខែមកហើយ តែគេមិនដឹងថា…
ខេត្តមណ្ឌលគិរី ៖ សេចក្តីរាយការណ៍បានឱ្យដឹងថា ទីតាំងលេងល្បែងមួយកន្លែងស្ថិតក្នុងព្រៃចម្ការកៅស៊ូនៅជិតច្រកទ្វេរភាគីណាំលៀរ ហៅប៉ុស្តិ៍៧ ក្នុងភូមិសាស្ត្រឃុំប៊ូស្រា ស្រុកពេជ្រាដា ខេត្តមណ្ឌលគិរី កំពុងបើកដំណើរការអស់ជាច្រើនខែមកហើយ តែគេមិនដឹងថា តើទីនោះមានច្បាប់អនុញ្ញាតឬអត់នោះទេ តែឮគេនិយាយតគ្នា កន្លែងនោះគឺជាកាស៊ីណូ ។
តាមសេចក្តីរាយការណ៍ឱ្យដឹងទៀតថា ជារៀងរាល់ថ្ងៃ គេបានឃើញរថយន្តជាច្រើនគ្រឿង បានដឹកជនជាតិវៀតណាម រាប់រយនាក់ចូលទៅលេងល្បែងនៅកាស៊ីណូ ដែលមិនស្គាល់ឈ្មោះ នៅជាប់ពីក្រោយប៉ុស្តិ៍ច្រកទ្វារទ្វេរភាគីណាំលៀរជាហូរហែ ។ មិនត្រឹមតែប៉ុណ្ណោះ កាស៊ីណូនេះក៏មានបើកឲ្យជនជាតិខ្មែរចូលលេងល្បែង មាន់ជល់ អាប៉ោង ទៀតផង ។
ជុំវិញការបើកលេងល្បែងនៅទឹកដីស្រុកពេជ្រាដានេះ លោកម៉ើល សឿន អភិបាលស្រុក បាននិយាយយ៉ាងខ្លីថា «ទេ…សួរគេខាងណោះទៅ ខ្ញុំមិចដឹង…វាស្ថិតក្នុងដីដែនហើយ តែវានៅប៉ុស្តិ៍…សួរខាងខេត្ត ខាងប៉ុស្តិ៍ទៅ…»។ មិនខុសពីអភិបាលស្រុកពេជ្រាដា លោក ឡោ សុខា ស្នងការនគរបាលខេត្តមណ្ឌលគិរីបានឲ្យដឹងថា «មានច្បាប់ត្រឹមត្រូវ គ្រាន់តែគេជួលទីតាំង»។
ទោះជាយ៉ាងណា ដោយសារភាពមិនប្រក្រតីនៃសកម្មភាពបើកបនល្បែងលេងលើទឹកដីខ្មែរ អ្នកយកព័ត៌មានកោះសន្តិភាព បានសុំការបញ្ជាក់ពីលោក ស្វាយ សំអ៊ាង អភិបាលខេត្តមណ្ឌលគិរី ដោយលោកបាន
ឲ្យដឹងថា «ចំពោះការស៊ីណូនៅច្រកណាំលៀរនោះ គឺគេមានច្បាប់(ស.ជ.ណ) ពីទីស្តីការគណៈរដ្ឋមន្ត្រីឲ្យបើក ។ ហើយគេក៏ចាប់ផ្តើមសាកល្បងរយៈពេលជិតមួយខែមកហើយ។ តាមព័ត៌មានចំពោះមុខគេនឹងមានគម្រោងសាងសង់សំណង់នានាមួយចំនួនទៀត» ។
ព័ត៌មានពិស្តារនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ