តាមប្រភពព័ត៌មាន Soccer Laduma បានឱ្យដឹងថា បន្ទាប់ពីមានភាពមិនច្បាស់លាស់អស់រយៈពេលជាច្រើនសប្តាហ៍ ភ្នាក់ងាររបស់ Paul Pogba បានផ្តល់ព័ត៌មានថ្មីៗអំពីអនាគតរបស់កីឡាករសញ្ជាតិបារាំងនៅ Manchester…
តាមប្រភពព័ត៌មាន Soccer Laduma បានឱ្យដឹងថា បន្ទាប់ពីមានភាពមិនច្បាស់លាស់អស់រយៈពេលជាច្រើនសប្តាហ៍ ភ្នាក់ងាររបស់ Paul Pogba បានផ្តល់ព័ត៌មានថ្មីៗអំពីអនាគតរបស់កីឡាករសញ្ជាតិបារាំងនៅ Manchester United ។
តាមសេចក្តីរាយការណ៍បានឱ្យដឹងថា ក្លិប Real Madrid មានបំណងចង់នាំយកកីឡាករសញ្ជាតិបារាំងរូបនេះនៅរដូវកាលក្រោយ ប៉ុន្តែហាក់មិនអាចទៅរួច ខណៈដែល Man Utd មិនចង់ចែកផ្លូវគ្នាជាមួយ Pogba។ ទោះយ៉ាងណាភ្នាក់ងារ Mino Raiola បានបញ្ជាក់ថា កីឡាករអន្តរជាតិបារាំងរូបនេះនឹងស្នាក់នៅជាមួយបិសាចក្រហមនាពេលនេះ ។
លោក Raiola បានប្រាប់សារព័ត៌មាន Sky Sports ថា៖«Paul តែងតែគោរពក្រុម Manchester United ដូច Manchester United តែងតែគោរព Paul ដែរ។ ហើយរឿងតែមួយគត់ដែលនិយាយសម្រាប់ក្រុម Manchester United និងសម្រាប់ Paul គឺ លោក Ole Gunnar Solskjaer អ្នកចាត់ការទូទៅរបស់ United ព្រោះគាត់ធ្វើអត្ថាធិប្បាយនៅក្នុងកាសែតនិងនៅក្នុងសារព័ត៌មាន» ៕
ចែករំលែកព័តមាននេះ