ជាទូទៅពេលដែលមនុស្សម្នាក់ៗបដិសេធនឹងសំណើរ ឬការអញ្ជើញផ្សេងៗ ពួកគេតែងតែមានទម្លាប់និយាយថា «ខ្ញុំរវល់»។ ប្រាកដណាស់ ភាពរវល់ប្រៀបបានជាកត្តាដែលបង្ហាញថាមនុស្សម្នាក់ជាមនុស្សដែលជោគជ័យមានការងារច្រើនធ្វើ ឬអាជីវកម្មកំពុងតែដំណើរការបានរលូន ប៉ុន្តែវាជាការឆ្លើយតបដែលអាចបង្កផលវិបាកជាច្រើនជាពិសេសប្រសិនបើអ្នកចង់ក្លាយជាមនុស្សជោគជ័យ និងរកលុយបានច្រើននាពេលអនាគត។ អ្នកត្រូវចងចាំថា…
ជាទូទៅពេលដែលមនុស្សម្នាក់ៗបដិសេធនឹងសំណើរ ឬការអញ្ជើញផ្សេងៗ ពួកគេតែងតែមានទម្លាប់និយាយថា «ខ្ញុំរវល់»។ ប្រាកដណាស់ ភាពរវល់ប្រៀបបានជាកត្តាដែលបង្ហាញថាមនុស្សម្នាក់ជាមនុស្សដែលជោគជ័យមានការងារច្រើនធ្វើ ឬអាជីវកម្មកំពុងតែដំណើរការបានរលូន ប៉ុន្តែវាជាការឆ្លើយតបដែលអាចបង្កផលវិបាកជាច្រើនជាពិសេសប្រសិនបើអ្នកចង់ក្លាយជាមនុស្សជោគជ័យ និងរកលុយបានច្រើននាពេលអនាគត។
អ្នកត្រូវចងចាំថា ល្បឿននៃការរស់នៅរបស់អ្នកមិនសំខាន់ទេ តែគឺគុណភាពទៅវិញ។ មានន័យថា អ្នកមិនចាំបាច់ប្រញាប់ធ្វើអ្វីមួយ ឬទៅណាមួយទេ ហើយការធ្វើដូច្នេះនឹងអនុញ្ញាតឲ្យអ្នកមានសមត្ថភាពកាន់តែច្រើនក្នុងការដឹកនាំ និងជះឥទ្ធិពលល្អៗដល់អ្នកដទៃ។ ភាគច្រើន មនុស្សតែងតែព្យយាមខិតខំធ្វើអ្វីគ្រប់យ៉ាងក្នុងពេលតែមួយដែលធ្វើឲ្យកិច្ចការទាំងអស់មិនមានលទ្ធផលល្អ។
ពេលដែលយើងចង់សម្រេចបានកិច្ចការច្រើន យើងតែងតែទទួលយកការងារ និងអង្គុយធ្វើវាពេញមួយថ្ងៃ ប៉ុន្តែការធ្វើដូច្នេះមានតែផលិតបានលទ្ធផលមិនល្អប៉ុណ្ណោះព្រោះវាកាត់បន្ថយប្រសិទ្ធិភាព និងគុណភាពការងាររបស់អ្នក។ ដូច្នេះអ្នកត្រូវធ្វើយ៉ាងណាវិញ? មុនពេលទទួលយកកិច្ចការថ្មីមួយ អ្នកត្រូវតែសួរខ្លួនឯងជាមុនសិនថា តើខ្ញុំអាចធ្វើកិច្ចការនេះបានដោយមានប្រសិទ្ធិភាពខ្ពស់ទេ? ឬក៏ខ្ញុំនឹងធ្វើវាឲ្យតែរួចពីដៃទេ?
អ្នកមិនចាំបាច់ព្យាយាមធ្វើជាមនុស្សរវល់ដែលមានកិច្ចការច្រើន និងជួបមនុស្សច្រើនក្នុងពេលតែមួយទេ។ អ្នកត្រូវចេះបដិសេធនឹងការងារដែលមិនមានសារៈសំខាន់ច្រើន ឬផ្ទេរវាទៅឲ្យអ្នកដទៃដែលអាចធ្វើវាបាន។ ហើយពេលដែលទទួលបានសំណើរ ឬការអញ្ជើញដែលមានសារៈសំខាន់សម្រាប់អ្នក អ្នកគួរតែចេះទុកពេលសម្រាប់វានិងបោះចោលការដោះសារថារវល់នោះទៅ។ ភាពរវល់អាចអនុញ្ញាតឲ្យអ្នកដើរទៅរកភាពជោគជ័យបាន ប៉ុន្តែអ្នកអាចដើរទៅរកវាបានឆាប់នៅពេលដែលកិច្ចការដែលអ្នកបានសម្រេចនោះមានគុណភាព និងប្រសិទ្ធិភាពខ្ពស់ប៉ុណ្ណោះ ៕ កែសម្រួលដោយ ៖ សុឃាក់
ចែករំលែកព័តមាននេះ