កញ្ញា ពិសាល អតីតហ្វ្រេសស៊ី ស្រឡាញ់សិល្បៈ តែមិនទទួលថតភាពយន្ត
- ភ្នំពេញ
រាជធានីភ្នំពេញ ៖ កញ្ញា ពិសាល ដែលជាអតីតហ្វ្រេសស៊ីហ្គើល ដែលបានចូលដល់វគ្គចុងក្រោយ ជំនាន់ទី១៨។ ក្រោយពេលប្រឡងរួចមក កញ្ញាពិសាល ត្រូវបានផលិតករ…
រាជធានីភ្នំពេញ ៖ កញ្ញា ពិសាល ដែលជាអតីតហ្វ្រេសស៊ីហ្គើល ដែលបានចូលដល់វគ្គចុងក្រោយ ជំនាន់ទី១៨។ ក្រោយពេលប្រឡងរួចមក កញ្ញាពិសាល ត្រូវបានផលិតករ និងបណ្តាខាងផលិតកម្មមួយចំនួនទំនាក់ទំនង ដើម្បីថតសម្តែង។
យ៉ាងណាមិញ ស្រីស្រស់រូបនេះ បានសម្រេចចិត្តផ្អិបចោលរឿងបង្ហាញស្នាដៃលើភាពយន្ត ខុសពីតារាមួយចំនួនដែលរមែងស្រវាការងារសិល្បៈគ្រប់ជ្រុងឱ្យបានលេចធ្លោ ហើយបណ្តាសិល្បករជាច្រើនតែងតែចង់ភ្ជាប់ស្នាដៃលើទីផ្សារសិល្បៈ ។
ផ្ទុយទៅវិញកញ្ញា ពិសាល បែរជាមិនទទួលលើជំហ៊ានដែលតម្រូវឱ្យលេងទឹកមុ ទៅតាមសាច់រឿងនេះណាស់។ នាងទទួលយកកិច្ចការសិល្បៈលើផ្នែកអ្វីដែលគិតថា ខ្លួនអាចមានសមត្ថភាព អាចធ្វើបាន។
តារារលកថ្មីរូបនេះបានឱ្យដឹងថា បន្ទាប់ពីនាងបញ្ចប់ការប្រឡងមក ក៏ងាកខ្លួនចូលចាប់យកវិស័យសិល្បៈ ប៉ុន្តែការងារដែលនាងទទួលបានកន្លងមក ភាគច្រើនផ្នែកថតបែបសម្អាងការច្រើនរួចមកហើយ។ បន្ថែមពីលើផ្នែកខាងសម្អាងនេះក៏មានស្បតខ្លះទៀត ត្រូវបាននាងសម្រេចចិត្តទទួលយក។
ទាក់ទិននឹងការថតភាពយន្តវិញ នាងអត់ទទួលសម្តែង មិនមែនមិនស្រឡាញ់នោះទេ តែតិចនិចបច្ចេកទេសការដាក់អារម្មណ៍ ក៏ដូចជាការបញ្ចូលទឹកមុខ ពិតជាមិនងាយស្រួលឡោះយ។ ជាពិសេសចំណាយពេលច្រើនថ្ងៃទំរាំបានចប់ ធ្វើឱ្យខកខានបំពេញការងារផ្សេងៗទៀត។
កញ្ញាបន្តថា គ្រប់អ្នកសិល្បៈរមែងចង់រំលេចស្នាដៃរបស់ខ្លួន ឱ្យមហាជនចាប់អារម្មណ៍ តែនាងមិនចង់ឱ្យអ្នកដឹកនាំ ពិបាកណែនាំទើបគិតថា ចាប់ការងារណាដែលយើងគិតថា អាចធ្វើទៅលូតលាល់ គឺពេញចិត្តជាង។ ការសម្តែងតាមសាច់រឿង តម្រូវឱ្យហាត់រៀនច្រើន ហើយក៏សូមសរសើររៀមច្បងដែលអាចសម្តែងតស៊ូអស់ជាច្រើនឆ្នាំលើអាជីពនោះរហូត មហាជនទទួលស្គាល់។ (កែសម្រួលដោយ ៖ បុប្ផា)
ចែករំលែកព័តមាននេះ