ខេត្តបន្ទាយមានជ័យ ៖ ម៉ាស៊ីនច្រូតស្រូវខ្នាតធំ១គ្រឿងបានឆេះកណ្តាលវាលស្រែ ខណៈកំពុងបើកបរច្រូតស្រូវដោយសារឆ្លងចរន្តភ្លើងធ្វើឱ្យមានការភ្ញាក់ផ្អើលនៅវេលាម៉ោង៧ព្រឹក ថ្ងៃទី២៩ ធ្នូ នៅភូមិកងវ៉ាង សង្កាត់កំពង់ស្វាយ ក្រុងសិរីសោភ័ណ ។…
ខេត្តបន្ទាយមានជ័យ ៖ ម៉ាស៊ីនច្រូតស្រូវខ្នាតធំ១គ្រឿងបានឆេះកណ្តាលវាលស្រែ ខណៈកំពុងបើកបរច្រូតស្រូវដោយសារឆ្លងចរន្តភ្លើងធ្វើឱ្យមានការភ្ញាក់ផ្អើលនៅវេលាម៉ោង៧ព្រឹក ថ្ងៃទី២៩ ធ្នូ នៅភូមិកង
វ៉ាង សង្កាត់កំពង់ស្វាយ ក្រុងសិរីសោភ័ណ ។ ម្ចាស់ម៉ាស៊ីនច្រូតឈ្មោះ លី ស៊ាវឡុង ភេទប្រុស អាយុ២៦ឆ្នាំ រស់នៅភូមិពង្រ សង្កាត់កំពង់ស្វាយ ក្រុងសិរីសោភ័ណ ។
លោកវរសេនីយ៍ត្រី យ៉ាន សុវណ្ណ មេបញ្ជាការកងរាជអាវុធហត្ថក្រុងសិរីសោភ័ណបានប្រាប់ថា នៅពេលម៉ាស៊ីនច្រូតស្រូវកំពុងច្រូតកាត់នៅកណ្តាលវាលស្រែ គឺបន្ទាប់ពីច្រូតស្រូវបាន២ទៅ៣មុខរួចហើយ ស្រាប់តែឆេះផ្នែកខាងក្រោយ ហើយត្រូវបានគេយកទឹកជះពន្លត់ ប៉ុន្តែមិនរលត់ទេ ។
រហូតដល់រថយន្តពន្លត់អគ្គិភ័យស្នងការដ្ឋាននគរបាលខេត្ត ជួយអន្តរាគមន៍ពន្លត់ទើបរលត់មិនបង្កឱ្យ
ឆេះរាលដាលដល់ស្រូវក្នុងស្រែឡើយ។លោកបានបញ្ជាក់ថា មូលហេតុដែលឆេះម៉ាស៊ីនច្រូតខ្នាតធំនេះ គឺបណ្តាលមកពីឆ្លងចរន្តភ្លើង ទើបបណ្តាលអោយឆេះតែត្រូវបានពន្លត់ទាន់ពេល ប៉ុន្តែម៉ាស៊ីនច្រូតផ្នែកខាងក្រោយត្រូវខូចខាតស្ទើរទាំងស្រុង ។
លោកវរសេនីយ៍ត្រីបានបញ្ជាក់ទៀតថា ករណីភ្លើងឆេះម៉ាស៊ីនច្រូតនេះចាត់ទុកថា សំណាងល្អណាស់ដែលបានពន្លត់ទាន់ពេល ទើបមិនបណ្តាលឱ្យឆេះស្រូវក្នុងស្រែដែលមិនទាន់ច្រូត ធ្វើឱ្យប្រជាកសិករភ័យស្លន់ស្លោ ព្រោះជារដូវរាំងស្ងួតផងងាយឆេះណាស់ ក៏នាំគ្នាពន្លត់យ៉ាងសស្រាក់សស្រាំ រួមជាមួយរថយន្តពន្លត់អគ្គិភ័យ កុំអីវាលស្រែដ៏ធំធេងអាចរងផលប៉ះពាល់មិនខាន ៕
ចែករំលែកព័តមាននេះ