ស្ងាត់ៗ David Moyes ត្រឡប់មកធ្វើជាគ្រូបង្វឹកក្លិបមួយនៅលីគកំពូលអង់គ្លេស
តាមប្រភពព័ត៌មាន Soccer Laduma បានឱ្យដឹងថា ក្លិប West Ham United បានតែងតាំងលោក David…
តាមប្រភពព័ត៌មាន Soccer Laduma បានឱ្យដឹងថា ក្លិប West Ham United បានតែងតាំងលោក David Moyes ជាអ្នកចាត់ការថ្មីរបស់ក្លិប បន្ទាប់ពីការចាកចេញរបស់លោក Manuel Pellegrini ។
លោក Pellegrini ត្រូវបានបញ្ឈប់ពីតំណែងរបស់គាត់ នៅល្ងាចថ្ងៃសៅរ៍ បន្ទាប់ពីការបរាជ័យរបស់ក្រុមញញួរ ក្នុងលទ្ធផល ២-១ ពេលប្រកួតជាមួយនឹងក្លិបកញ្ជ្រោង Leicester City នៅឯពហុកីឡដ្ឋានទីក្រុងឡុងដ៍។ ក្រុមនេះមិនបានចំណាយពេលឥតប្រយោជន៍ក្នុងការស្វែងរកអ្នកជំនួសឡើយ ដោយមានការវិលត្រឡប់របស់លោក Moyes ដែលជាអ្នកទទួលខុសត្រូវក្លិបតាមផ្នែកនៅរដូវកាលមុន។
លោក Moyes បានប្រាប់គេហទំព័រផ្លូវការរបស់ក្លិបថា៖«វាពិតជាអស្ចារ្យណាស់ក្នុងការវិលត្រឡប់មកវិញ។ ខ្ញុំពិតជានឹកទីនេះណាស់ ព្រោះតែវាបានទាក់បេះដូងរបស់ខ្ញុំ។ ខ្ញុំមិនអាចរង់ចាំដើម្បីចាប់ផ្តើមឡើយ» ។
គ្រូបង្វឹកថ្មីរូបនេះបានបន្តថា៖«ខ្ញុំមានមោទនភាពណាស់ ដែលខ្ញុំបានត្រលប់មក West Ham វិញ។ ប៉ុន្តែខ្ញុំគិតថាសំខាន់ជាងនេះទៅទៀត ខ្ញុំនឹងសម្លឹងមើលអ្វីដែលខ្ញុំអាចធ្វើបាននិងអ្វីដែលខ្ញុំអាចធ្វើឱ្យប្រសើរឡើង ។ ខ្ញុំជឿជាក់ថាក្រុមកីឡាករដែលខ្ញុំមាននៅទីនេះ គឺជាក្រុមកីឡាករល្អជាងពេលខ្ញុំចូលកាន់កាប់មុន។ ដូច្នេះខ្ញុំទន្ទឹងរងចាំធ្វើការជាមួយពួកគេ»។
ចុងក្រោយលោកបានបន្ថែមថា៖«ខ្ញុំត្រូវតែមានគោលដៅរយៈពេលខ្លីមួយសម្រាប់ពួកយើងឥឡូវនេះ ដើម្បីទទួលបានជ័យជម្នះ។ ការចាប់ផ្តើមពិតជាផ្តោតលើការប្រកួតភ្លាមៗ»៕
ចែករំលែកព័តមាននេះ