ខណៈដែលប្រជាជនកម្ពុជាជាច្រើនធ្វើដំណើរទៅក្រៅប្រទេស ដើម្បីស្វែងរកសេវាកម្មសុខភាពនោះ ប្រទេសកូរ៉េខាងត្បូងបានមានបំណងចង់ទាក់ទាញប្រជាជនកម្ពុជាអោយទៅទទួលយកការពិនិត្យ និងព្យាបាលជំងឺនៅកូរ៉េខាងត្បូង ។ លោក ផាក ហិង គីយ៉ុង (…
ខណៈដែលប្រជាជនកម្ពុជាជាច្រើនធ្វើដំណើរទៅក្រៅប្រទេស ដើម្បីស្វែងរកសេវាកម្មសុខភាពនោះ ប្រទេសកូរ៉េខាងត្បូងបានមានបំណងចង់ទាក់ទាញប្រជាជនកម្ពុជាអោយទៅទទួលយកការពិនិត្យ និងព្យាបាលជំងឺនៅកូរ៉េខាងត្បូង ។
លោក ផាក ហិង គីយ៉ុង ( Park Heung Kyeong) ឯកអគ្គរដ្ឋទូតកូរ៉េខាងត្បូងប្រចាំនៅប្រទេសកម្ពុជាបាននិយាយកាលពីពេលថ្មីៗនេះថា ឥឡូវនេះចំនួនប្រជាជនកម្ពុជាដែលទៅកូរ៉េ ដើម្បីទទួលយកការព្យាបាលជំងឺមានការកើនឡើង ហើយស្ថានទូតក៏បានចេញទិដ្ឋាការសម្រាប់អ្នកទេសចរណ៍វេជ្ជសាស្ត្រទាំងនោះ ។ លោកទូតនិយាយបន្ថែមទៀតថា កម្រិតនៃការធ្វើរោគវិនិច្ឆ័យ និងការព្យាបាលរោគនៅកូរ៉េគឺអាចប្រកួតប្រជែងជាមួយនឹងប្រទេសខាងលិចបាន ។
លោកទូតក៏បាននិយាយផងដែរថា កូរ៉េខាងត្បូង គឺជាទីផ្សារធំទីបីនៅលើពិភពលោកខាងផ្នែកវះកាត់កែសម្ផស្ស ។ កន្លងមកប្រជាជនកម្ពុជាបានចូលចិត្តធ្វើដំណើរទៅស្វែងរកសេវាសុខភាពនៅតាមប្រទេសមួយចំនួនដូចជា ប្រទេសថៃ ប្រទេសវៀតណាម និងប្រទេសសិង្ហបូរី និងម៉ាឡេស៊ីជាដើម ។ បញ្ហាតម្លៃនិងចំងាយអាចនឹងធ្វើអោយប្រទេសកូរ៉េខាងត្បូងពិបាកប្រកួតប្រជែងជាមួយនឹងប្រទេសជិតខាងកម្ពុជាដូចជា ប្រទេសថៃ និងប្រទេសវៀតណាមជាដើម ៕
ចែករំលែកព័តមាននេះ