ខេត្តសៀមរាប ៖ បើតាមការអះអាងពីលោក ម៉ុង ប៊ុនលីម នាយខណ្ឌរដ្ឋបាលព្រៃឈើសៀមរាប បានប្រាប់នៅថ្ងៃទី៣០ ខែធ្នូនេះថា ករណីរថយន្តដឹកអុសដែលបានចាប់នោះ គឺជំនាញបានធ្វើការពិន័យហើយ…
ខេត្តសៀមរាប ៖ បើតាមការអះអាងពីលោក ម៉ុង ប៊ុនលីម នាយខណ្ឌរដ្ឋបាលព្រៃឈើសៀមរាប បានប្រាប់នៅថ្ងៃទី៣០ ខែធ្នូនេះថា ករណីរថយន្តដឹកអុសដែលបានចាប់នោះ គឺជំនាញបានធ្វើការពិន័យហើយ ។ លោកបន្តថា រថយន្តដឹកអុសនោះពេលនេះបានចាប់យកមករក្សាទុកនៅស្រីស្នំ មិនមានការដោះលែងនោះទេ គឺធ្វើការពិន័យអន្តរការណ៍ តាមផ្លូវច្បាប់នៃរដ្ឋបាលព្រៃឈើ ។
ការអះអាងរបស់លោក ម៉ុង ប៊ុនលីម យ៉ាងដូច្នេះថា បន្ទាប់ពីមានព័ត៌មានចចាមអារ៉ាមថា មានការដោះលែងរថយន្តដឹកអុសចំនួន២គ្រឿង ត្រឹមតែសម្រួលធ្វើកិច្ចសន្យាមិនឱ្យដឹកបន្តតែប៉ុណ្ណោះ ។ លោកបានបញ្ជាក់ទៀតថា រថយន្តដឹកអុសនោះបានធ្វើឡើងនៅរសៀលថ្ងៃទី២៩ ខែធ្នូនេះ ត្រូវបានមន្ត្រីរដ្ឋបាលព្រៃឈើសៀមរាបសហការជាមួយនគរបាលស្រុកស្រីស្នំបានចាប់រថយន្តខ្នាតធំចំនួន២ គ្រឿង ដែលបានដឹកអុសរួចបញ្ជូនទៅរក្សាទុកនៅសង្កាត់រដ្ឋបាលព្រៃឈើស្រុកស្រីស្នំ ។
សូមបញ្ជាក់ថា បើតាមប្រភពបានទម្លាយថា រថយន្តដឹកឈើប្រភេទអុសទាំង២គ្រឿងនោះត្រូវបានដឹកចេញពីភូមិរាជជន្ទល់ ឃុំស្រែខ្វាវ ស្រុកអង្គរជុំ ខេត្តសៀមរាប ឆ្លងកាត់ស្រុកស្រីស្នំ ។ ប្រភពបានបញ្ជាក់ថា អ្នករកស៊ីដឹកអុសនោះឈ្មោះ មុំ ត្រូវបានពលរដ្ឋសង្ស័យថា អាចជាឈ្មួញរកស៊ីដុះស្លែជាយូរណាស់មកហើយ មិនដែលមាននរណាហ៊ានបង្ក្រាបនោះទេ ទើបតែលើកនេះអស់ល័ក្ខ ត្រូវបាន មន្ត្រីរដ្ឋបាលព្រៃឈើ ស្រីស្នំ ចាប់យកមកកន្លែងតែម្ដង ៕
ចែករំលែកព័តមាននេះ