នៅក្នុងមង្គលសូត្រ៣៨ព្រះដ៏មានព្រះភាគត្រាស់សម្តែងថា ខេមំ ចិត្តក្សេមក្សាន្តប្រាសចាកគ្រឿងអពមង្គលទាំងឡាយជាមង្គលដ៏ឧត្តម ។ ចិត្តក្សេមក្សាន្តក្នុងទីនេះបានដល់សន្តានចិត្តរបស់ព្រះអរិយបុគ្គលទាំងឡាយដែលមានព្រះពុទ្ធជាប្រធានដែលបានឆ្លងផុតពីអន្លង់ទាំង៤គឺ អន្លង់គឺកាមតណ្ហា១ អន្លង់គឺភពទាំងបី១ អន្លង់គឺទិដ្ឋិយល់ខុស១ និងអន្លង់គឺអវិជ្ជា ការមិនយល់មិនដឹងនូវសច្ចធម៌១…
នៅក្នុងមង្គលសូត្រ៣៨ព្រះដ៏មានព្រះភាគត្រាស់សម្តែងថា ខេមំ ចិត្តក្សេមក្សាន្តប្រាសចាកគ្រឿងអពមង្គលទាំងឡាយជាមង្គលដ៏ឧត្តម ។
ចិត្តក្សេមក្សាន្តក្នុងទីនេះបានដល់សន្តានចិត្តរបស់ព្រះអរិយបុគ្គលទាំងឡាយដែលមានព្រះពុទ្ធជាប្រធានដែលបានឆ្លងផុតពីអន្លង់ទាំង៤គឺ អន្លង់គឺកាមតណ្ហា១ អន្លង់គឺភពទាំងបី១ អន្លង់គឺទិដ្ឋិយល់ខុស១ និងអន្លង់គឺអវិជ្ជា ការមិនយល់មិនដឹងនូវសច្ចធម៌១ ។ ចិត្តដែលបានឆ្លងផុតអន្លង់ទាំង៤នេះហើយ គឺជាចិត្តស្អាតបរិសុទ្ធនិងស្ងប់ក្សេមក្សាន្តក្រៃលែង ។
ហេតុនេះទើបលោកពោលថា កិរិយាខំកសាងខ្លួនគឺអប់រំចិត្តឱ្យបានទៅជាចិត្តក្សេមក្សាន្តជាមង្គលដ៏ឧត្តម ។
បុគ្គលទាំងឡាយណាបានខិតខំកសាងខ្លួនដោយព្យាយាមប្រព្រឹត្តប្រតិបត្តិនូវមង្គលទាំង៣៨ប្រការនេះឱ្យបរិបូណ៌ហើយ រមែងមិនចាលចាញ់ក្នុងទីទាំងពួង រហូតសម្រេចមគ្គផលក្នុងសិរីមង្គលដ៏មហាប្រសើរ ៕ ដោយសាន សារិន
ចែករំលែកព័តមាននេះ