ប្រទេសអ៊ុយក្រែន ៖ ប្រធានាធិបតីអ៊ុយក្រែនលោកវ៉ូឡូឌីមៀរហ្សេឡេនស្គី គូសបញ្ជាក់នាថ្ងៃទី២៨ធ្នូថា នាថ្ងៃទី២៩ធ្នូមានការផ្លាស់ប្ដួរអ្នកទោសគ្នា រវាងក្រុងកៀវ និងពួកបំបែកខ្លួននិយមស្និទ្ធរុស្ស៊ី។
នោះជាដំណាក់កាលថ្មីនៃការបន្ធូរបន្ថយភាពតានតឹង ក្នុងជម្លោះដោយអាវុធនាភាគខាងកើតអ៊ុយក្រែន។ មុននេះលោកស្រីដារីយ៉ាម៉ូរ៉ូហ្សូវ៉ា អ្នកចរចារបស់រដ្ឋាភិបាលនៃសាធារណរដ្ឋប្រកាសដោយខ្លួនឯងដូណេតស្ក៍ប្រកាសថា ក្រុងកៀវនិងពួកបំបែកខ្លួននិយមបានរកឃើញកិច្ចព្រមព្រៀងមួយ ស្ដីពីការផ្លាស់ប្ដូរអ្នកទោសគ្នានាថ្ងៃទី២៩ធ្នូ។
លោកស្រីបន្តថា ដែនដីបំបែកខ្លួនទាំង២គឺដូណេតស្ក៍និងលូហ្គានស៍ទទួលអ្នកទោស៨៧នាក់ ចំណែកអ្នកទោស៥៥នាក់និងប្រគល់ឲ្យក្រុងកៀវ។
យោងកាមបណ្ដាសារព័ត៌មានអ៊ុយក្រែនថា ពួកបំបែកខ្លួនដោះលែងជាពិសេសបណ្ដាឈ្លើយសឹកអ៊ុយក្រែន ព្រមទាំងបណ្ដាសកម្មជននិងអ្នកកាសែតស្និទ្ធក្រុងកៀវ ដែលត្រូវចាប់ឃុំឃាំង។ ខាងផ្នែកអ៊ុយក្រែនតុលាការទីក្រុងខាកៀវបានដោះលែងកាលពីថ្ងៃ២៨ធ្នូអ្នកទោសជាប់គុកមួយជីវិត ពីបទរៀបចំការវាយប្រហារភេរវកម្មកាលពីខែកុម្ភៈឆ្នាំ២០១៥ចំនួន៣នាក់៕ (កែសម្រួលដោយ ៖ បុប្ផា)
ចែករំលែកព័តមាននេះ