រាជធានីភ្នំពេញ ៖ លោកឱម យ៉ិនទៀង ប្រធានអង្គភាពប្រឆាំងអំពើពុករលួយបានឲ្យដឹងថា ក្នុងរយៈពេលឆ្នាំ២០១៩ អង្គភាពប្រឆាំងអំពើពុករលួយបានទទួលអ្នកប្រកាសព្រទ្យសម្បត្តិ បំណុលបានជាង២ម៉ឺននាក់ ។ ថ្លែងក្នុងកិច្ចប្រជុំកិច្ចប្រជុំលើកទី៥៣…
រាជធានីភ្នំពេញ ៖ លោកឱម យ៉ិនទៀង ប្រធានអង្គភាពប្រឆាំងអំពើពុករលួយបានឲ្យដឹងថា ក្នុងរយៈពេលឆ្នាំ២០១៩ អង្គភាពប្រឆាំងអំពើពុករលួយបានទទួលអ្នកប្រកាសព្រទ្យសម្បត្តិ បំណុលបានជាង២ម៉ឺននាក់ ។ ថ្លែងក្នុងកិច្ចប្រជុំកិច្ចប្រជុំលើកទី៥៣ អាណត្តិទី២ នៃក្រុមប្រឹក្សាជាតិប្រឆាំងអំពើពុករលួយ (ក.ជ.ប.ព.) កាលពីរសៀលថ្ងៃទី២៧ ខែធ្នូនេះ ។
លោកឱម យ៉ិនទៀង បានលើកឡើងអំពីសកម្មភាពការងាររបស់អង្គភាពប្រឆាំងអំពើពុករលួយ ក្នុងអំឡុងខែធ្នូ ឆ្នាំ២០១៩ ដែលមានជាអាទិ៍ ៖ ១.ការប្រកាសទ្រព្យសម្បត្តិ និងបំណុលក្នុងខែធ្នូ ឆ្នាំ២០១៩ មាន៦៣១នាក់ ក្នុងនោះតែងតាំងថ្មីមាន៥១៣នាក់ ។
ប្រកាសទ្រព្យសម្បត្តិ និងបំណុលជាលើកចុងក្រោយដោយលាឈប់ពីការងារ -ចប់អាណត្តិ ត្រូវបញ្ឈប់ពីការងារ – ចូលនិវត្តន៍មាន១១៨នាក់ ។ លោកបានឲ្យដឹងថា នៅក្នុងឆ្នាំ២០១៩ទាំងមូលមានការប្រកាសទ្រព្យសម្បត្តិ និងបំណុលតាមរបប២ឆ្នាំ មានចំនួន ២១៩០២នាក់ តែងតាំងថ្មីមាន ៤៨៩៥នាក់ ។ ប្រកាសទ្រព្យសម្បត្តិ និងបំណុលជាលើកចុងក្រោយដោយ លាឈប់ពីការងារ -ចប់អាណត្តិ ត្រូវបញ្ឈប់ពីការងារ -ចូលនិវត្តន៍ មានចំនួន២២៦១នាក់ ។
លោកប្រធានACU ក៏បានលើកឡើងថា សម្រាប់ការប្រកាសទ្រព្យសម្បត្តិ និងបំណុលតាមរបប២ឆ្នាំ អនុវត្តក្នុងខែមករា ឆ្នាំ២០២០ នេះនឹងមានមន្ត្រីចំនួន៤៨៨៦រូប (ស្មើនឹង៣៨% នៃចំនួនត្រូវប្រកាសសរុបបានមកប្រកាសមុនពេលការចាប់ផ្តើមទទួលការប្រកាសបំណុលរបប២ឆ្នាំ ឆ្នាំ២០២០ ។
នៅក្នុងកិច្ចប្រជុំនោះដែរ លោកឱម យ៉ិនទៀង ក៏បានឲ្យដឹងថា ACU ក៏បានចូលរួមពិគ្រោះថ្ងៃ វាយតម្លៃគម្រោង-និងចរចាថ្លៃក្នុងខែធ្នូ ឆ្នាំ២០១៩ នាយកដ្ឋានអប់រំ បង្ការ និងទប់ស្កាត់បានប្រតិបត្តិការ តាមរយ:ការសង្កេតការណ៍ចំនួន៤៤គម្រោង (ក្នុងឆ្នាំ២០១៩ ទាំងមូលមាន ១១១៧ គម្រោង ) និងប្រតិបត្តិការផ្សេងទៀតដូចជា ការសិក្សាពីក្រុមហ៊ុនដែលចូលដេញថ្លៃ និងអត្តសញ្ញាណជាដើម មាន៣៩ក្រុមហ៊ុន (ក្នុងឆ្នាំ២០១៩ទាំងមូលមាន ៨៩៦ក្រុមហ៊ុន) ។
លោកតុប សំ ប្រធានក្រុមប្រឹក្សាជាតិប្រឆាំងអំពើពុករលួយបានលើកឡើងថា បន្ទាប់ពីបានពិនិត្យពិភាក្សា និងអនុម័តកំណត់ហេតុកិច្ចប្រជុំទាំង២របស់ក្រុមប្រឹក្សាជាតិប្រឆាំងអំពើពុករលួយលើកទី៥២ (កំណត់ហេតុសំយោគ និងកំណត់ហេតុពិស្តារក្រុមប្រឹក្សាជាតិប្រឆាំងអំពើពុករលួយបានពិនិត្យពិភាក្សា និងអនុម័តរបាយការណ៍ប្រចាំឆ្នាំ២០១៩ ស្តីពីដំណើរការរបស់អង្គភាពប្រឆាំងអំពើពុករលួយដែលក្នុងនោះក្រុមប្រឹក្សាជាតិប្រឆាំងអំពើពុករលួយបានពិនិត្យ ពិភាក្សាអំពីការងាររបស់អង្គភាពប្រឆាំងអំពើពុករលួយតាមផ្នែកនីមួយៗ ១- ការងារអប់រំ ផ្សព្វផ្សាយច្បាប់ស្តីពីការប្រឆាំងអំពើពុករលួយ ២-ការងារបង្ការ ទប់ស្កាត់ អំពើពុករលួយ ៣-ការងារប្រកាសទ្រព្យសម្បត្តិ និង បំណុល ៤-ការងារពាក្យប្តឹង ៥-ការងារប្រឆាំងការសម្អាតប្រាក់ និងហិរញ្ញប្បទានភេរវកម្ម ៦.ការងារក្នុង និងក្រៅប្រទេស ៕ កែសម្រួលដោយ ៖ សុឃាក់
ចែករំលែកព័តមាននេះ