រាជធានីភ្នំពេញ ៖ កាលពីប៉ុន្មានខែមុននេះ ទស្សនិកជននៅចាំថា តារាសម្តែងសួង ស៊ីធឿន ដែលឡើងកូដទីផ្សារភាពយន្ត បានជួបទុក្ខព្រួយបាត់បង់មនុស្សជាទីស្រឡាញ់។ បុរសម្នាក់នោះ ជាបុរសគូស្នេហ៍យល់ចិត្ត…
រាជធានីភ្នំពេញ ៖ កាលពីប៉ុន្មានខែមុននេះ ទស្សនិកជននៅចាំថា តារាសម្តែងសួង ស៊ីធឿន ដែលឡើងកូដទីផ្សារភាពយន្ត បានជួបទុក្ខព្រួយបាត់បង់មនុស្សជាទីស្រឡាញ់។ បុរសម្នាក់នោះ ជាបុរសគូស្នេហ៍យល់ចិត្ត ហើយថែមទាំងឈានដល់ការគ្រោងភ្ជាប់ពាក្យទៀតផង ប៉ុន្តែបែរជាម្ចាស់ស្នេហ៍នាងជួបគ្រោះថ្នាក់ចរាចរណ៍ឃ្លាតឆ្ងាយទៅបាត់មិនអាចត្រឡប់មកវិញ ធ្វើឱ្យនាងទទួលយកមិនបានតែម្តង។ តារារូបនេះ ខឹតខំពង្រឹងស្មារតីធ្វើចិត្តទទួលយក រហូតមកដល់ពេលនេះនាងអាចញញឹមបានខ្លះ ដោយកម្លាំងចិត្តនានា រហូតថតភាពយន្តថ្មី។
ក្រោយពេល ស៊ីធឿន មានអារម្មណ៍ស្មុគស្មាញជាមួយការឃ្លាតឆ្ងាយរបស់គូសង្សារ មិនអាចបកក្រោយ ម្នាក់ៗមានការអាណិតនាងជាអនែក។ ម្នាក់ៗមានតែចូលរួមនិយាយលើកទឹកចិត្តគ្រប់គ្នាឱ្យនាងរឹងមាំ រឹងប៉ឹង ប្រឈមយកពិត ដោយចាត់ទុកថាមាននិស្ស័យតែប៉ុណ្ណឹង។ ហើយរឿងសំខាន់ ត្រូវគិតគូរពីដំណើរទៅមុខ អនាគតបន្តទៀត ជាពិសេសការងារសម្តែងដែលកំពុងតែទទួលបានប្រជាប្រិយភាព គួរឱ្យចាប់អារម្មណ៍។
ជាការមើលឃើញពីស្នាដៃ និងជំនាញសួង ស៊ីធឿន ត្រូវបានផលិតករ លោកចាន់ណា រ៉ូណាន និងលោកចេង វណ្ណា ម្ចាស់ផលិតកម្ម បានផ្តល់តំណែងតួសំខាន់ក្នុងរឿងដុំថ្មី មានចំណងជើងថា «សំណើច ៦៥២ គីឡូ»។
កញ្ញា សួង ស៊ីធឿន បាននិយាយខ្លះៗថា នាងសូមអរគុណ ដល់បងៗផលិតករ ក្រុមការងារ ក្រុមមិត្តរួមសម្តែងទាំងអស់ ដែលបានជួយជាមតិផ្តល់យោបល់លើកទឹកចិត្ត ជាដរាបមកអំឡុងលំបាកផ្លូវចិត្ត។ មនុស្សជាទីស្រឡាញ់ដែលយើងថា ល្អក្នុងចិត្ត ហើយអនាគតជាស្វាមី បែរជាទៅចោលក្នុងរូបភាពមិនអាចបកត្រឡប់ទាំងស្រស់ៗ តើស្ត្រីណាទទួលយកបាន? នាងមានតែការកាត់ចិត្ត ហើយអារម្មណ៍នៅតែនឹកនា។
នាងមានតែការងារជាចម្បងសិន ដើម្បីទ្រទ្រង់ជីវភាព និងធ្វើការឱ្យល្អជាមួយភាពយន្តថ្មី ដែលខាងផលិតកម្មគាត់ជ្រើសរើស។ (កែសម្រួលដោយ ៖ បុប្ផា)
ចែករំលែកព័តមាននេះ