រាជធានីភ្នំពេញ ៖ អគ្គនាយករងមីក្រូហិរញ្ញវត្ថុ អាតូម និងសហការី២នាក់ទៀត ត្រូវបានសមត្ថកិច្ចនគរបាលព្រហ្មទណ្ឌចាប់ខ្លួនបញ្ជូនមកកាន់សាលាដំបូងរាជធានីភ្នំពេញនារសៀលថ្ងៃទី២៨ ខែធ្នូ ឆ្នាំ២០១៩ ពាក់ពន្ធបទល្មើសឃុបឃិតក្លែងលិខិតស៊ីដាច់ប្រាក់ប្រមាណ៨លានដុល្លារអាមេរិកជាប្រាក់កម្ចីឥនទាន ។…
រាជធានីភ្នំពេញ ៖ អគ្គនាយករងមីក្រូហិរញ្ញវត្ថុ អាតូម និងសហការី២នាក់ទៀត ត្រូវបានសមត្ថកិច្ចនគរបាលព្រហ្មទណ្ឌចាប់ខ្លួនបញ្ជូនមកកាន់សាលាដំបូងរាជធានីភ្នំពេញនារសៀលថ្ងៃទី២៨ ខែធ្នូ ឆ្នាំ២០១៩ ពាក់ពន្ធបទល្មើសឃុបឃិតក្លែងលិខិតស៊ីដាច់ប្រាក់ប្រមាណ៨លានដុល្លារអាមេរិកជាប្រាក់កម្ចីឥនទាន ។
ជនសង្ស័យទី១-ឈ្មោះ អ៊ុក គិរីរតនៈ ភេទប្រុស អាយុ ៣៤ឆ្នាំ មានទីលំនៅផ្ទះលេខ ២៧បេ ផ្លូវ៦៥៦ សង្កាត់និរោធ ខណ្ឌច្បារអំពៅ មានតួនាទីជាអគ្គនាយករងមីក្រូហិរញ្ញវត្ថុ អាតូម ខែភីថល, ទី២-ឈ្មោះ អ៊ូ វាសនា ភេទប្រុស អាយុ២៩ឆ្នាំ មានទីលំនៅផ្មាទះលេខ ៧៥ ភូមិត្នរពាំងក្រសាំង សង្កាត់ត្រពាំងក្រសាំង ខណ្ឌពោធិសែនជ័យ មានតួនាទីជាប្រធានផ្នែកឥនទានគ្រឹះស្ថានមីក្រូហរញ្ញវត្ថុអាតូម និងទី៣-ឈ្មោះ វណ្ណ ប៊ុនធឿន ភេទប្រុស មានទីលំនៅភូមិភា សង្កាតប្រទះឡាង ខណ្ឌដង្កោ ។
ជនសង្ស័យទាំង៣នាក់ខាងលើត្រូវបានសមត្ថកិច្ចចាប់ខ្លួននាថ្ងៃទី២៨ ខែធ្នូ ឆ្នាំ២០១៩ និង បញ្ជូនទៅកាន់អយ្យការអមសាលាដំបូងរាជធានីភ្នំពេញដើម្បីធ្វើការសាកសួរពាក់ព័ន្ធនឹងបណ្ដឹងរបស់ឈ្មោះ ហ៊ាង រតនា ភេទប្រុសអាយុ៤៧ឆ្នាំ មានតួនាទីជាប្រធាននាយកដ្ឋាននីតិកម្ម នៃគ្រិៈស្ថានមីក្រូហិរញ្ញវត្ថុអាតូម ខែភីថល ដែលមានកម្មវត្ថុប្ដឹងចោទពីបទ ក្លែងបន្លំឯកសារសាធារណៈ ( ក្លែងលិខិតផ្ទេរកម្មសិទ្ធិដី ផ្ទះ) ដើម្បីដាក់បញ្ចាំខ្ចីលុយធនាគារ ។
ក្នុងនោះមានឯកសារកម្ចីប្រាក់ជាច្រើនទៀត ដែលជនសង្ស័យបានគេឃុបឃិតគ្នាក្លែងបន្លំ និង វាយតម្លៃហួសពីការពិតដើម្បីខ្ចីប្រាក់ពីធនាគារបានច្រើន ។ សរុបទឹកប្រាក់ដែលជនសង្ស័យឃុបឃិតគ្នា ក្លែងឯកសារ ខាងមីក្រូហិរញ្ញវត្ថុបាត់បង់ប្រមាណ៨លានដុល្លារអាមេរិក ក្នុងរយៈពេលតែ២ឆ្នាំប៉ុណ្ណោះ ។ ជនសង្ស័យកំពុងស្ថិតនៅដំណាក់កាលតំណាងអយ្យការធ្វើការសាកសួរនៅឡើយទេ ៕
កែសម្រួលដោយ ៖ សំណាង
ចែករំលែកព័តមាននេះ