ខេត្តកណ្តាល ៖ ជនសង្ស័យ២នាក់ជាជនជាតិចិនបានធ្វើសកម្មភាពចូលទៅលួចទ្រព្យសម្បត្តិក្នុងរោងម៉ាស៊ីនកិនស្រូវតែអកុសលអាក្រក់ត្រូវប្រជាពលរដ្ឋដេញតាមចាប់ស្វាគមន៍ស្ទើរដង្ហើមចង្រឹតទើបប្រគល់ឱ្យសមត្ថកិច្ច ។ ហេតុការណ៌នេះបានកើតឡើងនៅថ្ងៃទី២៦ ខែធ្នូ ឆ្នាំ២០១៩ វេលាម៉ោង១៤និង២៥នាទី នៅចំណុចរោងម៉ាស៊ីនកិនស្រូវ ហ៊ុន…
ខេត្តកណ្តាល ៖ ជនសង្ស័យ២នាក់ជាជនជាតិចិនបានធ្វើសកម្មភាពចូលទៅលួចទ្រព្យសម្បត្តិក្នុងរោងម៉ាស៊ីនកិនស្រូវតែអកុសលអាក្រក់ត្រូវប្រជាពលរដ្ឋដេញតាមចាប់ស្វាគមន៍ស្ទើរដង្ហើមចង្រឹតទើបប្រគល់ឱ្យសមត្ថកិច្ច ។ ហេតុការណ៌នេះបានកើតឡើងនៅថ្ងៃទី២៦ ខែធ្នូ ឆ្នាំ២០១៩ វេលាម៉ោង១៤និង២៥នាទី នៅចំណុចរោងម៉ាស៊ីនកិនស្រូវ ហ៊ុន ជុងហេង ស្ថិតក្នុងភូមិព្រែករការ ឃុំព្រែករការ ស្រុកកណ្ដាលស្ទឹង ខេត្តកណ្តាល ។
ជនសង្ស័យទី១-ឈ្មោះ Sun Ming Lin ភេទប្រុស អាយុ៤០ឆ្នាំ ជនជាតិចិន ស្នាក់នៅផ្ទះសំណាក់យីហោ Zhe Shang មុខព្រលានយន្តហោះអន្តរជាតិភ្នំពេញ និងទី២-ឈ្មោះ Long Chang ភេទប្រុស អាយុ៣០ឆ្នាំ ជនជាតិចិន ស្នាក់នៅផ្ទះសំណាក់ជាមួយគ្នា រីឯជនរងគ្រោះ ឈ្មោះ ញឹប ស៊ីថា ភេទស្រី អាយុ៣៤ឆ្នាំ មានទីលំនៅភូមិព្រែករការ ឃុំព្រែករការ ស្រុកកណ្ដាលស្ទឹង ខេត្តកណ្តាល ។
សាក្សីបានឱ្យដឹងថា នៅវេលាកើតហេតុខាងលើជនសង្ស័យជាជនជាតិចិនបានជិះម៉ូតូវីវ៉ាមួយគ្រឿង ពណ៌ខ្មៅ ពាក់ផ្លាកលេខ ភ្នំពេញ 1FE-2379 មកឈប់នៅមុខរោងម៉ាស៊ីនស្រូវរួចជនសង្ស័យទាំងពីរបានចុះពីលើម៉ូតូហើយជនសង្សយ័ឈ្មោះ Long Chang បានដើរចូលទៅក្នុងរោងម៉ាស៊ីនកិនស្រូវដល់ចំណុចមុខបន្ទប់ស្រាប់តែជនរងគ្រោះបានស្ទុះចេញមកសួរនាំថា មករកអ្វី? ហើយជនសង្ស័យបានចង្អុលទៅកន្លែងម៉ាស៊ីនកិនស្រូវ និងចង្អុលទៅគំនរបាវអង្ករ ។
ពេលនោះជនរងគ្រោះបាននាំជនសង្ស័យទៅកន្លែងបាវអង្ករចម្ងាយពីបន្ទប់ដេករបស់ខ្លួនប្រហែល២០ម៉ែត្រ ពេលនោះជនសង្ស័យម្នាក់ទៀតឈ្មោះ Sun Min Lin ដោយឃើញជនរងគ្រោះនៅតែម្នាក់ឯងក៏បានដើរចូលតាមក្រោយសំដៅចូលទៅក្នុបន្ទប់ដេករបស់ជនរងគ្រោះហើយបានបើកទូដាក់ខោអាវ ។
ស្រាប់តែខណៈនោះប្តីរបស់ជនរងគ្រោះបានជិះម៉ូតូពីឃ្លាំងស្រូវខាងក្រោយមកដល់បានឃើញជនសង្ស័យឈ្មោះ Sun Ming Lin បានបើកទ្វាបន្ទប់គេងរបស់ខ្លួន ហើយបានស្រែកសួថា ហ្អែងចូលផ្ទះអញធ្វើអី? ដោយស្រែកខ្លាំងៗស្រាប់ជនសង្សយ័ឈ្មោះ Long Chang បានរត់ពីរោងម៉ាស៊ីនខាងក្រោយសំដៅមកកន្លែងដាក់ម៉ូតូរួចជនសង្ស័យឈ្មោះ Sun Ming Lin ក៏ស្ទុះរកបម្រុងឡើងជិះម៉ូតូរត់គេចខ្លួនតែត្រូវប្តីរបស់ជនរងគ្រោះបានធាក់ម៉ូតូបណ្តាល់ឱ្យដួលហើយជនសង្ស័យទាំងពីរព្យាយាមរត់គេចខ្លួនទើបជនរងគ្រោះស្រែកថា ចោរ ត្រូវបានប្រជាពលរដ្ឋដេញតាមចាប់រួចដាក់ម្នាក់១ដៃ១ជើងទើបប្រគល់ឱ្យសមត្ថកិច្ចតែម្តង ៕
កែសម្រួលដោយ ៖ សំណាង
ចែករំលែកព័តមាននេះ