រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា ជនបរទេសម្នាក់ចូលទៅម៉ាស្សាក្នុងហាងម៉ាស្សាកោសជប់មួយកន្លែង ត្រូវស្ត្រីម៉ាស្សាលួចលុយអស់១ម៉ឺន១ពាន់បាត បង្កឲ្យមានការភ្ញាក់ផ្អើល កាលពីវេលាម៉ោង១០យប់ថ្ងៃទី២៦ ខែធ្នូនេះ នៅតាមបណ្តោយផ្លូវ ២០០៤…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា ជនបរទេសម្នាក់ចូលទៅម៉ាស្សាក្នុងហាងម៉ាស្សាកោសជប់មួយកន្លែង ត្រូវស្ត្រីម៉ាស្សាលួចលុយអស់១ម៉ឺន១ពាន់បាត បង្កឲ្យមានការភ្ញាក់ផ្អើល កាលពីវេលាម៉ោង១០យប់ថ្ងៃទី២៦ ខែធ្នូនេះ នៅតាមបណ្តោយផ្លូវ ២០០៤ ហៅផ្លូវម៉ៃដា ភូមិត្រពាំងល្វាសង្កាត់ កាកាបទី១ ខណ្ឌពោធិ៍សែនជ័យ ។
តាមប្រភពព័ត៌មានពីនគរបាលប៉ុស្តិ៍កាកាបទី១ បានឲ្យដឹងថា នៅមុនពេលកើតហេតុ ដោយជនជាតិបរទេសម្នាក់បានទៅប្តឹងសមត្ថកិច្ចឲ្យជួយអន្តរាគមន៍ដោយជនបរទេសខាងលើបានចោទប្រកាន់ថា ហាងម៉ាស្សាមួយកន្លែងខាងលើ ពេលដែលគាត់ចូលទៅម៉ាស្សាត្រូវបានស្ត្រីជាអ្នកម៉ាស្សាបន្លំលួចលុយរបស់គាត់អស់១ម៉ឺន១ពាន់លុយបាត បន្ទាប់មកកំម្លាំងនគរបាលប៉ុស្តិ៍បានចុះទៅទីតាំងខាងលើភ្លាមផងដែរ ។
ប្រភពព័ត៌មានបន្តទៀតថា ខណៈពេលកម្លាំងនគរបាលប៉ុស្តិ៍បានមកសួរនាំទៅភាគីខាងម្ចាស់ហាងម៉ាស្សាខាងហាងម៉ាស្សាបាននិយាយប្រាប់ថា ឃើញជនជាតិបរទេសចូលមែន តែពួកគាត់ថា មិនបានលួចលុយទេ ។
ចំណែកជនបរទេសម្នាក់ខាងលើនៅតែចោទប្រកាន់ថា ហាងម៉ាស្សាខាងលើបានយករបស់គាត់ដដែលៗ លុះបន្ទាប់មកខាងម្ចាស់ហាងខាងលើមិនចង់ឲ្យមានការប្តឹងផ្តល់វែងឆ្ងាយ ហើយភាគីម្ចាស់ហាងសុខចិត្តសងប្រាក់ចំនួន៣៦០ដុល្លារបញ្ចប់ភ្លាមៗនៅកន្លែងកើតហេតុ៕ កែសម្រួលដោយ ៖ សុឃាក់
ចែករំលែកព័តមាននេះ