ខេត្តកោះកុង ៖ រយៈពេល ៣ឆ្នាំផ្ទួនៗ ដែលក្រុមហ៊ុនផលិតស្រាបៀរកម្ពុជា បានផ្តល់ភាពសប្បាយរីករាយដល់អ្នកខេត្តកោះកុង ក្នុងអំឡុងពេលយប់ឆ្លងឆ្នាំសកលជារៀងរាល់ឆ្នាំ តាមរយៈការប្រគំតន្ត្រីរយៈពេល ២យប់ចុងក្រោយនៃឆ្នាំនីមួយៗ ។
ឆ្នាំនេះកាន់តែពិសេសថែមទៀត ដោយសារតែនឹងមានវត្តមានចូលរួមចាក់ភ្លេងចង្វាក់ EDM ពីកញ្ញា JINNICHA ដែលជាឌីជេដ៏ល្បីមកពីប្រទេសថៃ រួមជាមួយបទចម្រៀងកន្ត្រាក់អារម្មណ៍ពីកញ្ញា យូរី និងលោក ហ្សូណូ ផងដែរនៅយប់ថ្ងៃទី ៣០ និង ៣១ ខែធ្នូ ឆ្នាំ ២០១៩ ចាប់ពីម៉ោង ៦ល្ងាចតទៅ នៅបរិវេណមុខសាលាខេត្តតែម្តង ។
បន្ថែមពីនេះ លោកអ្នកក៏អាចទទួលបានបទពិសោធន៍នៃការភ្លក់រសជាតិស្រាបៀរកម្ពុជា កំប៉ុងថ្មីជាមួយការរចនារូបរាងដ៏ប្រណីត និងរសជាតិឆ្ងាញ់អស្ចារ្យ ។
លោក ម៉ៃឃើល សុវណ្ណ ប្រធានផ្នែករៀបចំកម្មវិធីប្រគំតន្ត្រីនេះបានអោយដឹងថា៖ «កម្មវិធី CAMBODIA COUNTDOWN PARTY នេះ គឺធ្វើឡើងដើម្បីជាការថ្លែងអំណរគុណដល់ប្រជាពលរដ្ឋខេត្តកោះកុង ទាំងមូលដែលតែងតែគាំទ្រប្រើប្រាស់ផលិតផលដែលមានគុណភាពរបស់ក្រុមហ៊ុន ខ្មែរ ប៊ែវើរីជីស ជាប្រចាំក្នុងកម្មវិធីជួបជុំផ្សេងៗរបស់ពួកគេ» ។
លោកក៏បានជូនពរដល់ប្រជាពលរដ្ឋខេត្តកោះកុង និងប្រជាពលរដ្ឋកម្ពុជាទូទាំងប្រទេសទាំងអស់សម្រាប់ឱកាសចូលឆ្នាំថ្មីនេះ រាល់ការខិតខំប្រឹងប្រែងគ្រប់ភារកិច្ចរបស់ពួកគេសូមទទួលបានជោគជ័យហើយអំពើល្អតាមថែរក្សាពួកគេផងដែរ ។
លោកបានបញ្ចប់ដោយគោរពអញ្ជើញអ្នកខេត្តកោះកុងទាំងអស់ ចូលរួមរាំលេងសប្បាយ អបអរសាទរនាឱកាសដ៏សែនរីករាយក្នុងកម្មវិធីប្រគំតន្ត្រីនេះជាមួយមិត្តភក្តិ អ្នកជិតខាង ក៏ដូចជាថ្នាក់ដឹកនាំខេត្តផងដែរ ។ សូមពិសាដោយការទទួលខុសត្រូវ ! ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ