ខេត្តព្រះសីហនុ ៖ នៅពេលវិស័យអនឡាញកម្រើកយ៉ាងគំហុកនៅលើទឹកដីខេត្តព្រះសីហនុអំឡុងពេលដែលចិនចូលមកនោះ ចរន្តលុយបានចរាចរពីតំបន់មួយទៅតំបន់មួយទៀតតាមរយៈអ្នកដែលមានផ្ទះ សណ្ឋាគារ និងដីជួល ឬលក់ឱ្យចិនធ្វើឱ្យឈ្មួញពុះដីឡូត៍លក់ និងសង់ផ្ទះល្វែងបានកាក់កបយ៉ាងក្រាស់ក្រែល តែបច្ចុប្បន្នការលក់ដីឡូត៍ សង់ផ្ទះល្វែងលក់ហាក់នៅទ្រឹងមួយកន្លែង នៅមិនទាន់មានសញ្ញាណណាមួយបញ្ចុះតម្លៃលក់ចេញទេហើយជំនួញពុះដីឡូត៍ និងសង់ផ្ទះល្វែងលក់ក៏មិនបន្តគម្រោងថ្មីទៀតដែរ ។
សេវាមេធាវីវិញរយៈពេល០២ឆ្នាំចុងក្រោយនេះគឹតត្រឹមថ្ងៃទី២៥ ខែធ្នូ ឆ្នាំ២០១៩ មេធាវីមានសេវាធ្លាក់ចុះអតិថិជនរកស៊ីជួល ទិញ លក់អចលនទ្រព្យមិនមានចរន្តការលក់-ទិញបន្តទេ ។ បច្ចុប្បន្នមេធាវីចាប់ផ្តើមធ្វើកិច្ចការបណ្តឹងនៃកិច្ចសន្យាវិញហើយ ។
ប្រភពខាងលើបានបញ្ជាក់ជាចុងក្រោយថា ដោយឡែកអ្នកដែលរត់ទៅរកកម្ចីពីឥណទានមីក្រូហិរញ្ញវត្ថុ និងធនាគារ យកមករកស៊ី បច្ចុប្បន្នកំពុងតែជួបហារនិភ័យខ្ពស់បណ្តាលឱ្យហូបមិនបាន សម្រាន្តមិនលក់ បក់មិនល្ហើយ ធ្លាក់ខ្លួនស្គមរីងរៃដោយសារតែភ័យព្រួយខ្លាចមិនមានប្រាក់សងមីក្រូហិរញ្ញវត្ថុ និងធនាគារ ហើយត្រូវបានបង្ខំចិត្តលក់ឡាយឡុងអចលនទ្រព្យរបស់ខ្លួនយកមកដោះបំណុល ៕
កែសម្រួលដោយ ៖ សំណាង
ចែករំលែកព័តមាននេះ