ខេត្តបន្ទាយមានជ័យ ៖ ស្រូវប្រាំងបង្កើនផលលើកទីពីរជិត២ពាន់ហិកតាដែលខ្វះទឹកត្រូវបានមន្ត្រីជំនាញយកម៉ាស៊ីនបូមទឹកចំនួន៤គ្រឿងកំពុងបូមទឹកសង្គ្រោះស្រូវក្នុងឃុំសំបួរ ស្រុកមង្គលបូរី។ លោក យឹម ប៊ុនរ៉ុម ប្រធានមន្ទីធនធានទឹក និងឧតុនិយមខេត្តបន្ទាយមានជ័យបានប្រាប់ថ្ងៃទី២៥ ខែធ្នូ…
ខេត្តបន្ទាយមានជ័យ ៖ ស្រូវប្រាំងបង្កើនផលលើកទីពីរជិត២ពាន់ហិកតាដែលខ្វះទឹកត្រូវបានមន្ត្រីជំនាញយកម៉ាស៊ីនបូមទឹកចំនួន៤គ្រឿងកំពុងបូមទឹកសង្គ្រោះស្រូវក្នុងឃុំសំបួរ ស្រុកមង្គលបូរី។
លោក យឹម ប៊ុនរ៉ុម ប្រធានមន្ទីធនធានទឹក និងឧតុនិយមខេត្តបន្ទាយមានជ័យបានប្រាប់ថ្ងៃទី២៥ ខែធ្នូ ឆ្នាំ២០១៩ នេះថា ស្រូវប្រាំងដែលបង្កើនផលលើកទី២ប្រមាណជិត២ពាន់ហិកតានៅឃុំសំបួរ ស្រុកមង្គលបូរី កំពុងខ្វះទឹកក្នុងស្រែដែលប្រឈមការខូចខាត ត្រូវបានមន្ត្រីជំនាញយកម៉ាស៊ីនបូមទឹកចំនួន៤គ្រឿងបូមសង្គ្រោះស្រូវអស់រយៈពេលជាងមួយសប្តាហ៍នេះបានជិតពាក់កណ្តាលហើយ។
លោកបានបញ្ជាក់ថា ស្រូវប្រាំងដែលបង្កបង្កើនផលលើកទីពីរនេះធ្វើមុនចេញសារាចរណ៍ណែនាំនៅពេលដែលជិតបានប្រមូលផលខ្វះទឹកក្នុងស្រែស្រូវមិនអាចចេញរួច ទើបមន្ទីធនធានទឹកនិងឧតុនិយមខេត្តបានយកម៉ាស៊ីនទៅមូបទឹកដើម្បីសង្គ្រោះស្រូវប្រាំងជិត២ពាន់ហិកតាក្នុងឃុំសំបួរដែលបូមទឹកសង្គ្រោះប្រមាណជា១សប្តាហ៍ទៀតស្រូវត្រូវបានប្រមូលផលហេតុ។
លោក យឹម ប៊ុនរ៉ុម បានបញ្ជាក់ថា នៅខេត្តបន្ទាយមានជ័យនៅដើមឆ្នាំ២០១៩បានជួបគ្រោះរាំងស្ងួតបណ្តាលប៉ះពាល់ស្រូវដើមរដូវ និងស្រូវស្រាល និងធ្ងន់ត្រូវបូមទឹកសង្គ្រោះបានមួយចំនួន ដោយទឹកឆ្នាំនេះមានតិចតួចមិនបានគ្រប់គ្រាន់ ហើយនៅចុងឆ្នាំ២០១៩នេះមានកន្លែងខ្លះគ្មានទឹក និងឆ្ងាយពីប្រព័ន្ធទឹក មានស្រូវស្រាល និងស្រូវធ្ងន់ និងស្រូវប្រាំងខ្លះចេញមិនរួច ហើយជាក់ស្តែងដែលអាចសង្គ្រោះបានស្រែក្បែរប្រព័ន្ធទឹកកំពុងសង្គ្រោះស្រូវប្រាំងធ្វើលើកទី២នេះមានប្រមាណជិត២ពាន់ហិកតាក្នុងឃុំសំបួរ ៕ (កែសម្រួលដោយ ៖ ធីតា)
ចែករំលែកព័តមាននេះ