ខេត្តព្រះសីហនុ ៖ រដ្ឋបាលខេត្តព្រះសីហនុនឹងចាប់ផ្តើមអនុវត្តបិទកាស៊ីណូអនឡាញនៅម៉ោង០:០០ថ្ងៃទី៣១ ខែធ្នូ ឆ្នាំ២០១៩ ខាងមុខនេះ ដោយធ្វើតាមសាចរាចរណ៍ណែនាំរបស់រាជរដ្ឋាភិបាលកម្ពុជា ។ ថ្លែងក្នុងពិធីបើកកិច្ចប្រជុំពិភាក្សាលើអាជីវកម្មអនឡាញ នារសៀលថ្ងៃទី២៤…
ខេត្តព្រះសីហនុ ៖ រដ្ឋបាលខេត្តព្រះសីហនុនឹងចាប់ផ្តើមអនុវត្តបិទកាស៊ីណូអនឡាញនៅម៉ោង០:០០ថ្ងៃទី៣១ ខែធ្នូ ឆ្នាំ២០១៩ ខាងមុខនេះ ដោយធ្វើតាមសាចរាចរណ៍ណែនាំរបស់រាជរដ្ឋាភិបាលកម្ពុជា ។ ថ្លែងក្នុងពិធីបើកកិច្ចប្រជុំពិភាក្សាលើអាជីវកម្មអនឡាញ នារសៀលថ្ងៃទី២៤ ខែធ្នូនេះ នៅសាលាខេត្តព្រះសីហនុ ។
លោក គួច ចំរើន អភិបាលខេត្តព្រះសីហនុ មានប្រសាសន៍ថា ដោយអនុវត្តតាមសាចរាចរណ៍ណែនាំរបស់រាជរដ្ឋាភិបាលកម្ពុជាចុះថ្ងៃទី១៨ ខែសីហា ឆ្នាំ២០១៩ មិនអនុញ្ញាតឱ្យមានល្បែងអនឡាញនៅព្រះរាជាណាចក្រកម្ពុជា គិតត្រឹមម៉ោង០០ថ្ងៃទី៣១ ខែធ្នូ ឆ្នាំ២០១៩ខាងមុខនេះ ដូច្នេះគ្រប់ភាគីពាក់ព័ន្ធត្រូវត្រៀមសហការ ដើម្បីត្រួតពិនិត្យតាមដាននូវរាល់កាស៊ីណូទាំងឡាយណានៅតែបន្តបើកឲ្យលេងល្បែងអនឡាញ ។
ដូច្នេះយើងត្រូវធ្វើការជូនដំណឹងដល់កាស៊ីណូក្នុងក្រុង -ស្រុក ទាំងអស់ដែលមានបើកឲ្យលេងល្បែងអនឡាញនាពេលកន្លងមកមិនអនុញ្ញាតិឲ្យបើកលេងបន្តទៀតទេ ។
ប្រភពខាងលើបានបញ្ជាក់ឲ្យដឹងទៀតថា ប្រសិនបើកាស៊ីណូ ឬកន្លែងណានៅតែបើកឲ្យដំណើរការលេងល្បែងអនឡាញបន្តទៀត និងទទួលខុសត្រូវទៅតាមផ្លូវច្បាប់ ។ ទន្ទឹមនោះលោកអភិបាលខេត្តព្រះសីហនុ បានណែនាំដល់មន្ត្រីពាក់ព័ន្ធគ្រប់ផ្នែកមិនត្រូវទៅរំខាន ឬបំភ័យដល់ជនបរទេស គឺត្រូវយកចិត្តដល់អ្នកវិនិយោគបរទេស និងខ្មែរ ដើម្បីឱ្យពួកគេមានភាពកក់ក្តៅ ក្នុងការមកវិនិយោគនៅខេត្តព្រះសីហនុ ៕
ចែករំលែកព័តមាននេះ