រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កាលពីវេលាម៉ោង១រសៀលថ្ងៃទី២៥ ធ្នូ ឆ្នាំ២០១៩ គណៈបញ្ជាការឯកភាពខណ្ឌបានដឹកនាំកម្លាំងទ្រង់ទ្រាយធំចុះធ្វើរដ្ឋបាលនៅតំបន់អភិវឌ្ឍន៍ឫស្សីកែវ ដែលគ្រោងនឹងប្រើវិធានការរុះរើសំណង់នៅថ្ងៃស្អែកទី២៦ ធ្នូ ឆ្នាំ២០១៩…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កាលពីវេលាម៉ោង១រសៀលថ្ងៃទី២៥ ធ្នូ ឆ្នាំ២០១៩ គណៈបញ្ជាការឯកភាពខណ្ឌបានដឹកនាំកម្លាំងទ្រង់ទ្រាយធំចុះធ្វើរដ្ឋបាលនៅតំបន់អភិវឌ្ឍន៍ឫស្សីកែវ ដែលគ្រោងនឹងប្រើវិធានការរុះរើសំណង់នៅថ្ងៃស្អែកទី២៦ ធ្នូ ឆ្នាំ២០១៩ ។
តាមសេចក្តីរាយការណ៍បានបន្តថា ក្នុងការចុះធ្វើរដ្ឋបាលនាពេលនេះដែរ គឺសមត្ថកិច្ចបានហៅបុរសមួយចំនួនដែលសង្ស័យថាបានប្រើប្រាស់គ្រឿងញៀន ដើម្បីយកមកធ្វើតេស្តទឹកនោមរកសារធាតុញៀនផងដែរ ។
គួរបញ្ជាក់ថា នៅថ្ងៃស្អែកទី២៦ ធ្នូ ឆ្នាំ២០១៩ អាជ្ញាធរនឹងធ្វើរដ្ឋបាលទ្រង់ទ្រាយធំរុះរើសំណង់នៅតំបន់មានទំនាស់ក្នុងតំបន់អភិវឌ្ឍឫស្សីកែវ ស្ថិតក្នុងភូមិទួលពពែ សង្កាត់ទួលសង្កែ២ ខណ្ឌឫស្សីកែវ ។ មុននឹងធ្វើរដ្ឋបាលចុះរុះរើសំណង់នោះ គឺនៅវេលារសៀលថ្ងៃទី២៥ ធ្នូនេះដែរ អាជ្ញាធរបានប្រើកម្លាំងដើម្បីធ្វើរដ្ឋបាលចុះត្រួតពិនិត្យរកមើលក្រែងមានជនបង្កនាំគ្នាប្រមូលផ្តុំនៅចំណុចខាងលើនេះ ។
នៅក្នុងការចុះធ្វើរដ្ឋបាលខាងលើនេះដែរ គឺនគរបាលបានឃាត់ខ្លួនបុរសម្នាក់ បន្ទាប់ពីធ្វើតេស្តទឹកនោមរកឃើញមានផ្ទុកសារធាតុញៀន ហើយអាជ្ញាធរក៏នៅតែធ្វើការត្រួតពិនិត្យជាបន្តបន្ទាប់ទៀតផងដែរ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ