ខណៈដែលកីឡាករ Zlatan Ibrahimovic ត្រូវបានផ្សារភ្ជាប់ជាមួយនឹងការវិលត្រឡប់ដ៏គួរឱ្យភ្ញាក់ផ្អើលទៅកាន់ប្រទេសអង់គ្លេស គ្រូបង្វឹកដែលទើបតែតែងតាំងថ្មីរបស់ក្រុម Everton លោក Carlo Ancelotti ត្រូវបានគេរាយការណ៍ថា បានអះអាងថាគាត់ប្រហែលជាត្រូវទូរស័ព្ទទៅ Zlatan Ibrahimovic ភ្លាម ។
បន្ទាប់ពីចែកផ្លូវគ្នាជាមួយក្រុម LA Galaxy នៅលីគ Major League Soccer អតីតខ្សែប្រយុទ្ធក្រុមបិសាចក្រហមរូបនេះត្រូវបានផ្សារភ្ជាប់ជាមួយនឹងក្លិបមួយចំនួនមុនពេលទីផ្សារដោះដូរកីឡាករខែមករា។ បិសាចក្រហម និង Everton ត្រូវបានគេរាយការណ៍ថាជាទិសដៅដែលអាចធ្វើទៅបានសម្រាប់បុរសវ័យ៣៨ឆ្នាំ ប៉ុន្តែគ្រូបង្វឹកថ្មីរបស់ក្លិប Everton លោក Ancelotti បានអះអាងថាគាត់នឹងទូរស័ព្ទទៅមិត្តចាស់របស់គាត់ ។
យោងតាមសម្តីរបស់លោក Ancelotti តាមរយៈសារព័ត៌មាន Sky Sports បានឱ្យដឹងថា ៖ «Zlatan Ibrahimovic គឺជាមិត្តដ៏ល្អម្នាក់របស់ខ្ញុំ។ សំណាងណាស់ដែលខ្ញុំបានបណ្តុះបណ្តាលកីឡាករឆ្នើមៗជាច្រើន។ Ibrahimovic បានបញ្ចប់រដូវកាលរបស់គាត់នៅសហរដ្ឋអាមេរិកហើយខ្ញុំមិនដឹងថាតើគំនិតរបស់គាត់ជាអ្វីទេ ។ ខ្ញុំត្រូវទួរស័ព្ទហៅគាត់ ។ ប្រសិនបើគាត់ចង់មក Liverpool កំសាន្តនោះ គាត់អាចមកបាន តែមិនមែនមកលេងបាល់នោះទេ»។
គួរបញ្ជាក់ផងដែរថា ក្នុងអំឡុងពេលរបស់គាត់លេងឱ្យក្លិប Galaxy នៅសហរដ្ឋអាមេរិក Ibrahimovic បានរកគ្រាប់បាល់បាន ៥៣គ្រាប់ និងជួយទាត់ Assist បាន ១៥គ្រាប់ក្នុងការបង្ហាញខ្លួន ៥៨លើក ៕
កែសម្រួលដោយ ៖ សំណាង
ចែករំលែកព័តមាននេះ