តាមប្រភពព័ត៌មាន Soccer Laduma បានឱ្យ តារាឆ្នើមរបស់ក្រុមបិសាចក្រហម Paul Pogba ទទួលបានការកោតសរសើរយ៉ាងខ្លាំងពីសំណាក់អតីតខ្សែប្រយុទ្ធក្រុមបិសាចក្រហម បន្ទាប់ពីវិលត្រឡប់ពីការសម្រាកព្យាបាលរបួសកាលពីចុងសប្តាហ៍មុន។ កីឡាករសញ្ជាតិបារាំងរូបនេះបានបង្ហាញខ្លួនជាលើកដំបូងចាប់តាំងពីខែកញ្ញា…
តាមប្រភពព័ត៌មាន Soccer Laduma បានឱ្យ តារាឆ្នើមរបស់ក្រុមបិសាចក្រហម Paul Pogba ទទួលបានការកោតសរសើរយ៉ាងខ្លាំងពីសំណាក់អតីតខ្សែប្រយុទ្ធក្រុមបិសាចក្រហម បន្ទាប់ពីវិលត្រឡប់ពីការសម្រាកព្យាបាលរបួសកាលពីចុងសប្តាហ៍មុន។
កីឡាករសញ្ជាតិបារាំងរូបនេះបានបង្ហាញខ្លួនជាលើកដំបូងចាប់តាំងពីខែកញ្ញា បន្ទាប់ពីចូលមកដល់តង់ទី២ នៃការបរាជ័យរបស់ United ក្នុងលទ្ធផល ២-០ នៅលើទឹកដី Watford កាលពីរសៀលថ្ងៃអាទិត្យ ។ វត្តមានរបស់ Pogba បានធ្វើឱ្យមានឥទ្ធិពលភ្លាមៗសម្រាប់ក្លិបលោក Ole Gunnar Solskjaer ដែលកំពុងខ្វះការច្នៃប្រឌិត ។ លោក Michael Owen សរសើរ Pogba ជាខ្សែបម្រើដ៏ល្អ ។
លោក Owen ត្រូវបានដកស្រង់សម្តីដោយសារព័ត៌មាន Manchester Evening News ថា ៖«គាត់ស្ថិតក្នុងកម្រិតខ្ពស់ខុសពីគេ ។ កីឡាករដែលខ្ញុំពេញចិត្តតាំងពីប្រឡូកក្នុងវិស័យបាល់ទាត់មកមានដូចជា Paul Scholes, Ryan Giggs, Steven Gerrard, (Zinedine) Zidane »។ លោកបានបន្តថា ៖«កីឡាករខ្លាំងៗដូចជាពួកគេ គិតបានលឿនជាងមនុស្សធម្មតា។ គ្រាន់តែយើងគិតឃើញភ្លាម គេចាប់ផ្តើមធ្វើបាត់ទៅហើយ» ៕
កែសម្រួលដោយ ៖ សំណាង
ចែករំលែកព័តមាននេះ