ពិព័រណ៍សម្ភារសំណង់ និងគ្រឿងសង្ហារឹមលើកទី២ នៅកម្ពុជា
- ភ្នំពេញ
ភ្នំពេញ ថ្ងៃទី២០ ខែធ្នូ ឆ្នាំ២០១៩៖ សមាគមសម្ព័ន្ធសម្ភារសំណង់ និងគ្រឿងសង្ហារឹមកម្ពុជា នឹងបើកពិធីពិព័រណ៍នៃសម្ភារសំណង់ និងគ្រឿងសងា្ហរឹម «ផ្លូវ១ ក្រវាត់១»…
ភ្នំពេញ ថ្ងៃទី២០ ខែធ្នូ ឆ្នាំ២០១៩៖ សមាគមសម្ព័ន្ធសម្ភារសំណង់ និងគ្រឿងសង្ហារឹមកម្ពុជា នឹងបើកពិធីពិព័រណ៍នៃសម្ភារសំណង់ និងគ្រឿងសងា្ហរឹម «ផ្លូវ១ ក្រវាត់១»…
ភ្នំពេញ ថ្ងៃទី២០ ខែធ្នូ ឆ្នាំ២០១៩៖ សមាគមសម្ព័ន្ធសម្ភារសំណង់ និងគ្រឿងសង្ហារឹមកម្ពុជា នឹងបើកពិធីពិព័រណ៍នៃសម្ភារសំណង់ និងគ្រឿងសងា្ហរឹម «ផ្លូវ១ ក្រវាត់១» ដែលមានទីតាំងពិព័រណ៍នៅ សណ្ឋគារ កាំបូឌីយ៉ាណា រាជធានីភ្នំពេញ។ ក្នុងពិធីពិព័រណ៍លើកនេះ សមាគមសម្ព័ន្ធបានបង្កើត វេទិកាអន្តរជាតិសម្រាប់ក្រុមហ៊ុនផលិតសម្ភារៈសំណង់នៅអាស៊ាន និងវិនិយោគិនលើវិស័យអចលនទ្រព្យ ដើម្បីប្តូរបទពិសោធន៍គ្នា និងការពិភាក្សាអំពីឱកាសអាជីវកម្ម។
ពិធីពិព័រណ៍នេះ បានអញ្ជើញសមាជិកនៃសមាគមសម្ព័ន្ធសម្ភារៈសំណង់ និងគ្រឿងសង្ហារឹមកម្ពុជាទាំងអស់មកចូលរួម ដែលជាក្រុមហ៊ុនពាក់ព័ន្ធនឹងការរចនាបឋម លទ្ធកម្ម ការត្រួតពិនិត្យផលិតកម្ម វិស្វកម្ម និងសម្ភារៈសំណង់។ បន្ថែមពីនេះ សមាគមសម្ព័ន្ធបានសហការជាមួយនឹងវេទិកាធនធានផ្សេងៗទៀត តាមរយៈការចែករំលែកព័ត៌មាន ការតភ្ជាប់តម្រូវការ និងផ្គត់ផ្គង់ដ៏ច្រើន និងមានគុណភាពខ្ពស់ ដើម្បីផ្ដល់សេវាកម្មក្នុងការផ្គត់ផ្គង់សម្ភារៈសំណង់ដល់វិនិយោគិនលើវិស័យអចលនទ្រព្យ និងផ្ដល់បណ្ដាញទីផ្សារដល់ក្រុមហ៊ុនផ្គត់ផ្គង់សម្ភារៈសំណង់។
ពិធីនេះបានធ្វើឡើងដោយ សមាគមសម្ព័ន្ធសម្ភារសំណង់ និងគ្រឿងសង្ហារឹមកម្ពុជា ដោយផ្អែកលើគោលបំណងបង្កើនការកត់សម្គាល់ឈ្មោះក្រុមហ៊ុនដែលចូលរួម បង្កើតឱកាសមួយដ៏ល្អក្នុងការផ្សាយគម្រោង និងផលិតផលរបស់សមាជិកផងដែរ។ ពិធីនេះ ក៏បានរៀបចំកន្លែងតាំងពិពរណ៍បង្ហាញនូវផលិតផលដ៏ល្អប្រណីត ផ្ដល់ភាពងាយស្រួលក្នុងការទំនាក់ទំនងនឹងគ្នារវាងក្រុមហ៊ុនចូលរួម និងវិនិយោគិនលើវិស័យអចលនទ្រព្យ។
បន្ទាប់ពីការស្រាវជ្រាវទីផ្សារស៊ីជម្រៅ អ្នករៀបចំកម្មវិធីបានជ្រើសរើសវិនិយោគិនលើវិស័យអចលនទ្រព្យល្បីៗ នៅកម្ពុជា តភ្ចាប់និងក្រុមហ៊ុនចូលរួមតាំងពិពរណ៍ល្បីៗ ដោយមានប្រសិទ្ធភាព និងវិជ្ជាជីវៈ ជំរុញវេទិការមួយដ៏សំខាន់សម្រាប់វិស័យសម្ភារៈសំណង់ក្នុងប្រទេស និងជាសេវាកម្មមួយដែលមានភាពច្នៃប្រឌិត និងមានគុណភាពល្អ។ ហើយក៏ជាបណ្ដាញភា្ជប់ដ៏សំខាន់ក្នុងការពង្រឹងការទំនាក់ទំនងគោលនយោបាយ និងកិច្ចសហប្រតិបត្តិការអភិវឌ្ឍក្នុងវិស័យសេវាកម្មវិស្វកម្មនៅក្នុងប្រទេសផ្សេងៗផងដែរ។
វេទិការនេះ នឹងធ្វើឲ្យប្រសើរឡើងនូវកម្រិតនៃភាវូបនីយកម្ម ភាពជំនាញ និងកម្រិតទីផ្សារ នឹងព្យាយាមក្លាយជាសមាគមសម្ព័ន្ធផ្សព្វផ្សាយមួយ ដែលមានគុណភាពខ្ពស់ មានឥទ្ធិពលសម្រាប់វិស័យសម្ភារៈសំណង់ និងគ្រឿងសង្ហារឹម និងមានការអភិវឌ្ឍប្រកបដោយចីរភាព នៅតំបន់អាស៊ីអាគ្នេយ៍។ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ