ប្រទេសចិន-ជប៉ុន-កូរ៉េខាងត្បូង ៖ មេដឹកនាំកូរ៉េខាងត្បូង ចិននិងជប៉ុនចាប់ផ្ដើមនាថ្ងៃទី២៤ធ្នូការជួបគ្នាកំពូល ដើម្បីពង្រឹងទំនាក់ទំនងត្រីភាគីក្នុងវិស័យជាច្រើន។ ក្នុងការជួបគ្នាកំពូលនេះប្រធានាធិបតីកូរ៉េខាងត្បូង លោកMOON JAE IN គូសបញ្ជាក់ពីភាពចាំបាច់ឲ្យមានកិច្ចសហប្រតិបត្តិការដ៏ល្អប្រសើរមួយរវាងបណ្ដាមហាអំណាចតំបន់ដោយលោកពោលថា…
ប្រទេសចិន-ជប៉ុន-កូរ៉េខាងត្បូង ៖ មេដឹកនាំកូរ៉េខាងត្បូង ចិននិងជប៉ុនចាប់ផ្ដើមនាថ្ងៃទី២៤ធ្នូការជួបគ្នាកំពូល ដើម្បីពង្រឹងទំនាក់ទំនងត្រីភាគីក្នុងវិស័យជាច្រើន។
ក្នុងការជួបគ្នាកំពូលនេះប្រធានាធិបតីកូរ៉េខាងត្បូង លោកMOON JAE IN គូសបញ្ជាក់ពីភាពចាំបាច់ឲ្យមានកិច្ចសហប្រតិបត្តិការដ៏ល្អប្រសើរមួយរវាងបណ្ដាមហាអំណាចតំបន់ដោយលោកពោលថា មហាអំណាចតំបន់ទាំងនេះមានក្ដីស្រមៃដូចគ្នាលើកស្ទួយពិភពលោកឲ្យរុងរឿងស្ថិតស្ថេរ។
ពេលចាប់ផ្ដើមការជួបគ្នាជាមួយនាយករដ្ឋមន្ត្រីជប៉ុន លោកស៊ីនហ្សូអាបេនិងនាយករដ្ឋមន្ត្រីចិនលោកLI KEQIANG លោកMOON បន្តថា លើផ្នែកសេដ្ឋកិច្ចផងដែរ យើងជាសហគមន៍មួយដែលផ្សារភ្ជាប់គ្នាតាមរយៈវាសនារួមមួយ។
ក្នុងកិច្ចប្រជុំកំពូលនេះដែលប្រព្រឹត្តទៅនៅមជ្ឈមណ្ឌល CENTURY CITY NEW INTERNATIONAL CONVENTION CENTER នៃទីក្រុងCHENGDUចិន មេដឹកនាំកូរ៉េខាងត្បូងអះអាងទៀតថា ខ្ញុំសង្ឃឹមដែលកិច្ចសហប្រតិបត្តិការសេដ្ឋកិច្ចរវាងប្រទេសទាំង៣ នឹងត្រូវពង្រឹងថែមទៀតធ្វើយ៉ាងណាឲ្យប្រទេសទាំង៣នេះ អាចអភិវឌ្ឍន៍រួមគ្នា ចែករំលែកការងារគ្នានិងមានប្រព័ន្ធសហការគ្នា។
លោកបន្តថាការក្រឡុកនៃសករាជគាំពារនិយម ការផ្លាស់ប្ដូរបរិយាកាសនិងបដិវត្តន៍ឧស្សាហកម្មជំនាន់ទី៤ ទាមទារកិច្ចសហប្រតិបត្តិការមួយកាន់់តែរឹងមាំថែមទៀតរវាងប្រទេសទាំង៣។
ម្យ៉ាងទៀតក្រោយការជូបគ្នាកំពូលនេះ ប្រធានាធិបតីកូរ៉េខាងត្បូងថ្លែងនាថ្ងៃទី២៤ធ្នូថា ចិន កូរ៉េខាងត្បូងនិងជប៉ុន បានព្រមព្រៀងធ្វើការរួមគ្នា ដើម្បីជម្រុញការចរចារវាងក្រុងវ៉ាស៊ិនតោននិងក្រុងព្យុងយ៉ាង៕
ចែករំលែកព័តមាននេះ