AFP ផ្សាយថា កាក់ដែលប្រជាពលរដ្ឋអូស្ត្រាលីធ្វើឱ្យធ្លាក់នៅក្រោមសាទ្បុង ឬកៅអីក្នុងរថយន្តតម្រូវឱ្យប្រទេសត្រូវខាតបង់ក្នុងមួយឆ្នាំជាង១០០លានដុល្លារ ។
លោករ៉ូស មេកដាយអាមីដ ប្រធានរោងចក្រផលិតកាក់អូស្ត្រាលី ឱ្យដឹងថា ក្នុងមួយឆ្នាំមានកាក់ត្រូវខាតបង់ពីទីផ្សារប្រហែលជាង១០០លានដុល្លារអាមេរិក ដូច្នេះតម្រូវឱ្យផលិតដាក់ជំនួសកាក់ដែលបាត់ ។
លោក មេកដាយអាមីដ និយាយថា «កាក់ភាគច្រើនដែលយើងផលិត ដើម្បីជំនួសកាក់ដែលជ្រុះនៅក្រោមសាទ្បុង កៅអីរថយន្ត គំនរសម្រាម ឬនាំចេញទៅក្រៅប្រទេសជាដើម» ។
កាក់ដែលរោងចក្រផលិតទ្បើង គឺដើម្បីជំនួសកាក់ដែលបាត់ និងត្រូវបោះចោលជាដើម ។ ប្រធានរោងចក្របានស្នើដល់រដ្ឋាភិបាល គួរតែបញ្ឈប់ការផលិតកាក់មួយចំនួន ពិសេសគឺកាក់តម្លៃ៥សេន ព្រោះដើមទុនផលិតមានតម្លៃ៦សេន ៕
ចែករំលែកព័តមាននេះ