រាជធានីភ្នំពេញ ៖ ក្រោយពីមានព័ត៌មានជាបន្តបន្ទាប់អំពីគម្រោងនៃការសាងសង់ផ្សារទំនើប អ៊ីអន ៣ (AEON Mall 3) ដែលមានទីតាំងស្ថិតនៅមហាវិថីសម្ដេចតេជោ ហ៊ុន…
រាជធានីភ្នំពេញ ៖ ក្រោយពីមានព័ត៌មានជាបន្តបន្ទាប់អំពីគម្រោងនៃការសាងសង់ផ្សារទំនើប អ៊ីអន ៣ (AEON Mall 3) ដែលមានទីតាំងស្ថិតនៅមហាវិថីសម្ដេចតេជោ ហ៊ុន សែន ឬតំបន់ដី ៦០ ម៉ែត្រ ក្នុងតំបន់អភិវឌ្ឍទីក្រុងរណប ING City នោះ ពេលនេះបើតាមប្រភពច្បាស់ការណ៍ គឺគម្រោងសាងសង់នឹងចាប់ដំណើរការជាផ្លូវការណ៍បុកគ្រឹះសាងសង់នាដើមឆ្នាំ២០២០ ដ៏ខ្លីខាងមុខនេះ លើផ្ទៃដីជាង១៨ ហិកតា និងគ្រោងទុនចំណាយដល់ទៅ ៣០០ លានដុល្លារអាមេរិក ។
ជាក់ស្តែងថ្មីៗនេះ គេសង្កេតឃើញថា ទីតាំងដែលគ្រោងនឹងសាងសង់ផ្សារ ទំនើបអ៊ីអន ៣ គឺមានសកម្មភាពនៃការចាក់ដីបំពេញយ៉ាងសកម្ម និងបានកំណត់ព្រំប្រទល់ទីតាំងរួចរាល់ផងដែរ ជាមួយម្ចាស់អចលទ្រព្យនៅតំបន់ផ្លូវ ៦០ ម៉ែត្រនេះរួចរាល់ផងដែរ ។ ក្រុមហ៊ុនវិនិយោគផ្សារទំនើប AEON Mall 3 គឺជាបុត្រសម្ព័ន្ធរបស់ក្រុមហ៊ុន AEON MALL GROUP ដែលបច្ចុប្បន្នបាននិងកំពុងដំណើរការផ្សារទំនើប ទំនើបអ៊ីអន ១ ទំនើបអ៊ីអន ២ សែនសុខ រួចមកហើយ។
សម្រាប់គម្រោងផ្សារទំនើប អ៊ីអន ៣ នេះ មានចម្ងាយត្រឹមតែ 100m ពីគម្រោង ជីប ម៉ុង លែន លែនម៉ាក ៦០ម ដែលជាគម្រោងអភិវឌ្ឍន៍វីឡាប្រណីតៗ និង ហ្សប ហៅស៍។ ដូច្នេះវាជាឱកាសដ៏ល្អបំផុតសម្រាប់លោកអ្នក ក្នុងការជាវនូវគម្រោងអភិវឌ្ឍន៍នានារបស់ក្រុមហ៊ុន ជីប ម៉ុង ដែលមានទីតាំងពោរពេញដោយសក្តានុពលសម្រាប់ការរស់នៅ និងប្រកបមុខរបរនានា ។
ជាមួយគ្នានេះផងដែរ បើតាមការចុះផ្សាយរបស់ Propertyarea បានស្រង់សម្តីថ្នាក់ដឹកនាំក្រុមហ៊ុនមួយរូប ដែលបានធ្វើការជិតស្និទ្ធជាមួយក្រុមហ៊ុន AEON MALL និងជាអ្នកនាំចូលសម្ភារៈសំរាប់សាងសង់ផ្សារនេះ និងជាក្រុមហ៊ុនផ្គត់ផ្គង់ចំណីអាហារ និងទំនិញនានាដល់ផ្សារនេះ បានមានប្រសាសន៍ឲ្យដឹងក្នុងលក្ខខ័ណ្ឌមិនបញ្ចេញឈ្មោះកាលពីសប្តាហ៍មុនថា ផ្សារទំនើបដ៏ធំនេះនឹងចាប់ផ្តើមសាងសង់នៅកំឡុងខែកុម្ភៈ ឆ្នាំ២០២០ ខាងមុខនេះ ដោយសារបច្ចុប្បន្នគ្រឿងចក្រនានា និងសម្ភារៈសំណង់បាននាំចូលមកបណ្តើរៗហើយ។
ប្រភពដដែលបានបញ្ជាក់ថា «ផ្សារនេះ នឹងចំណាយពេលសាងសង់រយៈពេលពីរឆ្នាំប៉ុណ្ណោះ វាមានទំហំទំជាងផ្សារ AEON MALL 1, AEON MALL 2 ដោយសារផ្ទៃក្រឡាសរុបរបស់ផ្សារនេះ មានទំហំរហូតដល់១៨ហិកតា ។ ដើម្បីដោះស្រាយបញ្ហាចំណតយានយន្ត ក្រុមហ៊ុនបានរចនាយ៉ាងពិសេស ដោយរៀបចំឲ្យមានចំណតយានយន្តនៅជុំវិញផ្សារនេះទាំងមុខ ទាំងក្រោយ និងចំហៀង» ។
ប្រភពដដែលបានលើកឡើងថា «ផ្សារទំនើបលំដាប់ពិភពលោក AEON Mall 3 ដែលមានទីតាំងតាមបណ្តោយមហាវិថី សម្ដេច តេជោ ហ៊ុន សែន ខាងលើនេះ នឹងត្រូវចំណាយពេលសាងសង់ត្រឹម២៤ខែ ស្មើនឹងរយៈពេល២ឆ្នាំឱ្យរួចរាល់។ ពេលនេះដំណើរការនៃការរៀបចំឯកសារស្នើសុំការសាងសង់ រួមជាមួយនឹងឯកសារក្នុងការដឹកជញ្ជូនសម្ភារៈ សម្រាប់សាងសង់ត្រូវបាន ធ្វើរួចរាល់ហើយ» ។
សូមបញ្ជាក់ថា បច្ចុប្បន្នេះ តំបន់ស្ថិតនៅតាមបណ្តោយមហាវិថីសម្តេចតេជោ ឬហៅថា ផ្លូវ ៦០ ម៉ែត្រ កំពុងក្លាយជាតំបន់មានសក្តានុពលខ្ពស់ដែលបានឆក់ស្រូបនូវការវិនិយោគធំៗពីសំណាក់អ្នកវិនិយោគិនក្នុងស្រុក និងបរទេស ។ ដូច្នេះហើយអ្នកជំនាញមើលឃើញថាតំបន់នេះ នឹងក្លាយជាមជ្ឈមណ្ឌលពាណិជ្ជកម្ម និងលំនៅដ្ឋានដ៏រស់រវើកមួយនារយៈពេល ៥ ឆ្នាំខាងមុខ ដោយបច្ចុប្បន្នតំបន់នេះមានផ្សារទំនើបលំដាប់អន្តរជាតិជាច្រើន រួមទាំងសំណង់លំនៅឋានប្រណីតៗ អគារពាណិជ្ជកម្ម ផ្សារទំនើប សូនកម្សាន្ត ក៏សាលាខ្នាតអន្តរជាតិ កំពុងដំណើរការសាងសង់ជាបន្តបន្ទាប់ ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ